web counter
LEXO PA REKLAMA!

SHKARKO APP

App Store
Google Play

Kosovë/ Ministri Hyseni dhe drejtori i Policisë në konferencën rajonale në Beograd

29 Prill 2015, 14:16, Aktualitet CNA

Ministri i Punëve të Brendshme të Republikës së Kosovës, Skender Hyseni, i shoqëruar nga drejtori i Përgjithshëm i Policisë së Kosovës, Shpend Maxhuni, drejtori i Drejtorisë Kundër-Terrorizëm në Policinë e Kosovës, Fatos Makolli dhe Shqipe Mjekiqi, këshilltare e Lartë Politike, po marrin pjesë në Konferencën Rajonale në Beograd mbi ?Luftëtarët e Huaj Terroristë, Parandalimin e Radikalizmit dhe Luftimin e Terrorizmit në Rajonin e Ballkanit?, të organizuar nga Ministria e Punëve të Brendshme e Republikës së Serbisë dhe Ambasada e Shteteve të Bashkuara të Amerikës në Beograd.

Njoftimi i dërguar thekson se, gjatë punimeve të konferencës, ministri Hyseni ka mbajtur një fjalë, ku ka shprehur rëndësinë për bashkëpunim edhe më të ngushtë rajonal në parandalimin e ekstremizmit dhe luftimin e terrorizmit. Ministri Hyseni po ashtu ka paraqitur gjendjen aktuale në Kosovë, duke përmendur ligjin për ndalim në bashkimin në luftërat e huaja që ka hyrë në fuqi së voni, arrestimet e shumta që janë bërë, si dhe strategjinë për parandalimin e ekstremizmit të dhunshëm që është në hartim e sipër, si më se e nevojshme për të evituar që radikalizmi dhe ekstremizmi të shpijnë në terrorizëm.

Gjate punimeve te konferencës, ministri Hyseni ka biseduar shkurt me ministra dhe mmbasadorë të shteteve të ndryshme të akredituar në Beograd.





Lajmet e fundit nga