web counter
LEXO PA REKLAMA!

SHKARKO APP

App Store
Google Play

Dervishi: Zyra e Mbrojtjes së të Dhënave Personale me më shumë përgjegjësi

29 Prill 2015, 14:12, Aktualitet CNA

Komisioneri për të Drejtën e Informimit dhe Mbrojtjen e të Dhënave Personale,  Besnik Dervishi i pranishëm në takimit e 17-të të Autoriteteve të Mbrojtjes së të Dhënave Personale të Evropës Qendrore dhe Lindore , tha se ky aktivitet i shërben vlerësimit të ndërsjelltë të eksperiencave më të mira në mbrojtjen e të dhënave personale, si dhe krijimit dhe unifikimit të praktikave të përbashkëta.
? Zyra e Komisionerit për të Drejtën e Informimit dhe Mbrojtjen e të Dhënave Personale të Shqipërisë, kërkon që me veprimtarinë e saj të qëndrojë në standartin e autoriteteve të vendeve me një praktikë të konsoliduar. Kjo gjë është bërë e mundur edhe nga pjesëmarrja aktive e kësaj Zyre në të gjithë forumet ndërkombëtare të mbrojtjes së të dhënave.? shtoi Dervishi.
?Zyra është angazhuar në plotësimin e kuadrit ligjor dhe rregullator, në dhënien e opinioneve për aktet normative, në ndërgjegjësimin e individëve për të garantuar të drejtën kushtetuese të mbrojtjes së të dhënave personale, në administrimin e ankesave në rritje, në kryerjen e inspektimeve me tematika të caktuara në kontrrollues që veprojnë në fusha sensitive dhe me ndjeshmëri të lartë, si dhe në rekomandime edhe unifikuese për masa që duhen marrë në sektorë të veçantë, apo në vendimmarrje e sanksione administrative.

Ndërkohë, Zyrës së Komisionerit, që prej nëntorit të vitit të kaluar, me miratimin e ligjit të ri për të Drejtën e Informimit, i është shtuar edhe kjo detyrë, duke e rritur edhe më tej përgjegjësinë, por edhe sfidat e Zyrës që unë drejtoj.? tha ne fjalen e tij Komisioneri Dervishi.





Lajmet e fundit nga