E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Ministri i Jashtëm gjerman Steinmeier viziton sot Kosovën

28 Prill 2015, 10:02, Aktualitet CNA

Ministri i Punëve të Jashtme të Gjermanisë, Dr. Frank-Walter Steinmeier, do të zhvillojë sot një vizitë zyrtare në Republikën e Kosovës. MPJ kosovare bëri të ditur se ministri Steinmeier do të zhvillojë takime me krerët shtetërorë të Kosovës me të cilët do të diskutojnë tema të ndryshme me interes bilateral.

Ministri i Punëve të Jashtme i Gjermanisë, Dr. Frank-Walter Steinmeier, në vizitën zyrtare në Republikën e Kosovës do të takohet në orën 16:30 me Presidentjen e Republikës së Kosovës, Atifete Jahjaga? ne orën 17:15 ministri Steinmeier do të pritet ne takim nga kryeministri Isa Mustafa, ndërsa pas takimit, kryeministri Isa Mustafa dhe ministri Frank-Walter Steinmeier, do të mbajnë një konferencë për shtyp. Në orën 18:25 ministri gjerman do të takohet me zëvendëskryeministrin e parë dhe ministrin e Punëve të Jashtme të Republikës së Kosovës, Hashim Thaçi.

Steinmeier do të vizitojë edhe Beogradin, ndërsa shtypi i sotëm kosovar e citon sot në një kryetitull se ?nga Kosova dhe Serbia kërkohet gatishmëri për kompromis?.

Në procesin e dialogut është arritur progres historik mes Kosovës dhe Serbisë, por ka akoma çështje të hapura, të cilat tani duhen sqaruar shumë shpejt, thotë ministri i Jashtëm i Gjermanisë, Frank-Walter Steinmeier, i cili të martën viziton Beogradin e Prishtinën dhe ?do t?i inkurajojë qeverinë serbe dhe atë kosovare të shfaqin gatishmërinë e nevojshme për kompromis dhe vendosmëri?.

Kështu ka thënë Steinmeier në një intervistë ekskluzive për ?Kohën Ditore?, në prag të vizitës së tij, në të cilën përveç për procesin e dialogut, flet edhe për njohjet e munguara të pavarësisë së Kosovës nga ana e pesë shteteve të Bashkimit Evropian, por edhe për situatën e vështirë ekonomike në Kosovë dhe rrugëdaljes prej saj.

Steinmeier po ashtu ka shprehur edhe besimin e Qeverisë në Berlin se Parlamenti i Kosovës do të votojë në favor të krijimit të Gjykatës Speciale për të gjykuar rastet nga Raporti i Dick Marty-it, ndërsa në lidhje me dyshimet për korrupsion dhe politizim të EULEX-it, ka theksuar se Berlini angazhohet për sqarim pa rezerva të këtyre akuzave.