web counter
LEXO PA REKLAMA!

SHKARKO APP

App Store
Google Play

Nepal/ Arrin në 876 numri i të vdekurve pas tërmetit 7,9 ballë Rihter (Foto)

25 Prill 2015, 15:22, Kosova & Bota CNA

Një tërmet i fuqishëm me magnitudë 7,8 ballë të shkallës Rihter ka shkaktuar qindra të vdekur dhe shumë dëme materiale në Nepal, pas lëkundjeve të rënda që përfshinë disa rajone në veri të Indisë, Kinës dhe Bangladeshit.

Një bilanc tjetër i publikuar nga policia e Nepalit pak para orës 13:00 GMT kishte numëruar 876 të vdekur në vend.

Më shumë se 20 persona humbën jetën në Indi dhe në Kinë.

?Tërmeti shkaktoi shembjen e kullës historike të Dharharas, një prej vendeve turistike më tërheqëse të kryeqytetit nepalez?, sipas dëshmitarëve.

?Dhjetëra trupa u nxorrën nga gërmadhat?, sipas një fotografi.

Nëntë kateve të kësaj kulle të bardhë me në krye një minare bronxi, që daton që prej shekullit XIX, i kanë mbetur piothuajse vetëm gërmadhat, sipas imazheve televizive.

Banorët kanë dalë në rrugë të trembur në momentin e tërmetit që ndodhi në mesditp dhe shumë ndërtesa janë shembur në mbarë qytetin.

Të paktën 10 persona kanë vdekur pasi tërmeti i rënë në Nepal dhe i ndjerë në vendet përreth ka shkaktuar një ortek të fuqishëm në kampin bazë të malit Everest ku ndodheshin më shumë se 1 000 persona.

Sipas Institutit amerikan të Gjeofizikës (USGS), tërmeti me magnitudë 7,8 ballë të shkallës Rihter ndodhi rreth 80 kilometra në veriperëndim të Katmandou. Mangnituda e tij u vlerësua fillimisht 7,5 dhe më pas u rishikua në rritje.





Lajmet e fundit nga