web counter
LEXO PA REKLAMA!

SHKARKO APP

App Store
Google Play

E fundit!

x

“Punësimi i brishtë”, Shqipëria me nivelin më të lartë

24 Prill 2015, 06:02, Aktualitet CNA

Shqipëria është një ndër ekonomitë me përqindjen më të lartë në Europë dhe më gjerë të atij që quhet ?punësim i brishtë?. Teknikisht, ky term nënkupton numrin e personave të vetëpunësuar ose që punojnë pa pagesë në aktivitete familjare. Mbështetur në të dhënat më të fundit të Bankës Botërore dhe që i takojnë vitit 2013, në Shqipëri kjo kategori përbën 58% të numrit total të të punësuarve. Kjo përqindje është më e lartë te femrat, me 62% dhe pak më e ulët te meshkujt, me 55%.
Statistikat krahasuese me vendet e tjera nuk janë të plota, por diferencat me ekonomitë e tjera janë mjaft të mëdha. Për shembull, në Maqedoni punësimi i brishtë përbën 23% të totalit, në Bosnje Hercegovinë 25% dhe në Serbi 29%. Në vendet më të zhvilluara kjo përqindje është, mesatarisht, në nivele edhe më të ulëta.
Pesha shumë e lartë e punësimit të brishtë në tregun shqiptar të punës mund të interpretohet kryesisht me nivelin e ulët të zhvillimit cilësor të sipërmarrjes private. Në pjesën dërrmuese, bizneset private janë aktivitete të thejshta tregtare për punësim personal apo familjar, me ambicie të pakta për t?u zgjeruar drejt rritjes së aktivitetit apo punësimit të personave të tjerë.
Vetë përqëndrimi kryesisht te tregtia është tregues i mungesës së ideve apo burimeve për forma të biznesit që mund të ofrojnë perspektiva më të mëdha zhvillimi. Në thelb, ekonomia shqiptare gjeneron pak biznese që sjellin punësim dhe shumë biznese të thjeshta, me qëllim vetëm vetëpunësimin.





Lajmet e fundit nga