E fundit!

16:32 Politikë

Rama takon sot banorët e Zvërnecit/ Zbardhen detaje

Kryeministri Edi Rama do të zhvillojë ditën e sotme një ta...

Besnik Aliaj: PD të mbështesë Bojaxhiun, të mos shpallë kandidat për Tiranën

15 Prill 2015, 15:58, Politikë CNA

Besnik Aliaj, një nga emrat e përfolur si kandidat i opozitës për Bashkinë e Tiranës, ka bërë një propozim jo të zakonshëm për Partinë Demokratike. Në një postim në rrjetet sociale, Aliaj i kërkon Partisë Demokratike që të bëjë aleancë me qytetarët dhe intelektualët për këto zgjedhje vendore, por në Tiranë të mos shpallë kandidat të saj dhe të mbështesë Gjergj Bojaxhiun.

?Tashme janë momentet e fundit per Opozitën qe te zgjedhi kandidatin e saj për Kryetar Bashkie. Le ta themi troç ne Tirane dhe shume bashki (5 ne 6 sipas vlerësimit tim) Opozita do ta këtë ne mos te pamundur, mjaft te vështirë te fitoje. Kjo situate po vjen jo se maxhoranca ka bere ndonjë pune të hajrit, por se ndarja e re administrative e maxhorances aktuale është një masakër e vërtetë elektorale dhe një përgjegjësi e madhe për zhvillimin e mëtejshëm te vendit.

Ne këto kushte gare te pandershme dhe te pabarabarte Opozita duhet te reagoje urgjent me veprime strategjike te jashtezakonshme dhe jo me rutine politike. Ajo qe dua te them sot me kurajo qytetare dhe me shume dashamiresi per OPOZITEN (pjese e te cilës jam) është një propozim gati “taboo” e cila duhet thyer sot.

1.Opozita NUK duhet te vendose asnjë kandidat ne Tirane për Kryetar Bashkie.

2. Ajo duhet te hartoje një liste super VIP intelektuale vetëm për Këshillin Bashkiak

3. Ajo duhet te mbështesë ne heshtje por pa asnjë ndërhyrje kandidaturën e Gjergji Bojaxhiut. Lëreni Gjergjin te beje mire atë qe ai di te beje.

Kjo jo sepse “plangprishesi” Gjergj Bojaxhi eshte burre i mire apo i keq, por se tashme ai ka ndërmarrë me kurajo një vendim qe askush nuk e merr, e qe ka gjithe shanset te ngjize ADN-ne e një Fronti Opozitar Qytetar te Unifikuar e sidomos pertej-partiak qe do te dale fitues ne Tirane. Ne se ne qytetet e tjera është vone ne Tirane ka ende kohe qe ky model te ndërtohet jo pa sukses. Është një shans i madh. Mos u merrni me Gjergjin, as me biografinë e tij, po mbështesni frymën qe ai mund te gjeneroje se bashku me te gjithë ato segmente te shoqërisë qe duan alternativen e trete. Kjo i jep fund edhe lojërave matematikore me “king-makers”?, shkruan Besnik Aliaj.