web counter
LEXO PA REKLAMA!

SHKARKO APP

App Store
Google Play

Mediu: Jemi afër dhe larg një koalicioni me PD-në

14 Prill 2015, 09:34, Politikë CNA

Kreu i Partisë Republikane, Fatmir Mediu, është shprehur se negociatat me Partinë Demokratike për koalicion të mundshëm në zgjedhjet lokale janë në dorën e Partisë Republikane. Lidhur me kandidatin për Bashkinë e Durrësit, Mediu tha se kandidati republikan Agron Duka është i duhuri për të garantuar fitoren e aleancës së djahtë në qytetin bregdetar.

?Ajo që ngelet për tu diskutuar është Durrësi. Kemi bërë një sondazh për Dukën përballë kandidatëve të PD-së dhe të PS-së ku rezulton që Duka është fitues dhe këtë ia thashë Lulzim Bashës. E rëndësishme është të mos hyjmë në aventura, thelbi në një garë elektorale është fitorja dhe respekti reciprok ndaj njëri-tjetrit.
Nuk kemi vendosur asnjë kusht, kemi dashur që të fitojmë, kushti është që të fitojmë së bashku. Vendimi i ngelet strukturave të PR-së edhe vetë Dukës, nëse Duka do të garojë do të kemi garën tonë elektorale. Nuk ka një vendim përfundimtar, kemi pritur që të dalë një propozim nga PD që ta vlerësojë. Jemi afër dhe larg një koalicioni?, u shpreh kreu i republikanëve Fatmir Mediu në përfundim të mbledhjes së Komisionit parlamentar të Ligjeve.





Lajmet e fundit nga