web counter
LEXO PA REKLAMA!

SHKARKO APP

App Store
Google Play

E fundit!

x

KQZ regjistron 47 parti, sot radha e “Bojaxhiut”

14 Prill 2015, 06:48, Politikë CNA

Sot është afati i fundit për regjistrimin e partive politike si subjekte zgjedhore për vendoret e 21 qershorit. Në total numri i partive politike që do garojnë në këto zgjedhje është i përafërt me atë që garoi edhe në zgjedhjet e 23 qershorit 2013.

Kështu dje, Komisioni Qendror i Zgjedhjeve ka regjistruar 28 subjekte zgjedhore, mes të cilave Partinë Demokratike, Lëvizjen Socialiste për Integrim apo edhe Partinë për Drejtësi, Integrim dhe Unitet.

Ndërkohë që më parë ajo kishte regjistruar edhe 19 subjekte të tjera, përfshi Partinë Socialiste apo edhe Partinë Republikane, duke e çuar në 47 numrin e partive të regjistruara deri më tani.

Pritet që numri i tyre të jetë edhe më i madh, pasi gjatë mbledhjes së sotme KQZ-ja ka parashikuar të revokojë vendimin e saj për mosregjistrimin e dy partive të tjera politike, për shkak të mosplotësimit të kërkesave të ligjit, si dhe 6 subjekte të tjera që kanë paraqitur dokumentet dhe kërkesën së fundmi.

Pra, numri i përgjithshëm i partive politike që do regjistrohen në këto zgjedhje është rreth 55. Bie në sy regjistrimi i disa partive komuniste apo edhe i disa partive të tjera, kristiane e myslimane.

Zgjedhjet vendore për partitë politike, kryesisht ato të vogla, kanë një rëndësi të madhe, kjo pasi përveçse iu japin vota kandidatëve të partive të koalicionit, kanë një mundësi të artë për të marrë edhe ndonjë këshilltar në këshillat bashkiakë. Gjatë ditës së sotme KQZ ka programuar që të shqyrtojë edhe kërkesën e një grupi nismëtar që mbështet kandidimin e kandidatit të pavarur për zgjedhjet për kryetar të Bashkisë Tiranë, Gjergj Bojaxhi.

Sot KQZ pritet të bëjë vetëm regjistrimin e komitetit nismëtar, i cili do pajiset më pas me dokumentacionin e nevojshëm për të mbledhur firmat mbështetëse për regjistrimin e Bojaxhiut.

 

Partitë e regjistruara





Lajmet e fundit nga