web counter
LEXO PA REKLAMA!

SHKARKO APP

App Store
Google Play

Lezhë/ Vjedhje me armë, arrestohen 3 persona

12 Prill 2015, 06:50, Aktualitet CNA

Policia e Lezhës ka arrestuar 3 persona , ndërsa ka shpallur në kërkim një të katërt, pasi dyshohen të jenë autorët e dy vjedhjeve me armë. Të arrestuarit janë 18-vjeçari Ervis Aliu, banues në Shpërdhet, 24-vjeçari Emiklen Vokshi, banues në Mamurras dhe 18-vjeçari Andri Ndreka, banues në Thumanë. Policia bën me dije se në kërkim është shpallur 21 vjeçari Sebastjan Ajazi. Arrestimi i të sipërpërmendurve është bërë në orën 01:30 të mëngjesit të ditës së sotme.

Zyrtarisht mësohet se arrestimi dhe shpallja në kërkim e tyre u bë pasi ata kanë rezultuar se janë autorë të vjedhjes me armë ditën e djeshme, rreth orës 03.40, në Fushë Mamurras Kurbin, të dy telefonave celular, 400 Euro, 7000 lek të rinj dhe disa dokumente identifikuese të Englert Çupa, banues në Tiranë dhe Osman Çupa, banues në Burrel Mat, të cilët udhëtonin me mjetin Volsvagen me targë AA289KS. Në vendngjarje është gjetur një gëzhojë fisheku M-56, 7.62 m/m.

Nga hetimet e policisë ka rezultuar se katër të sipërpërmendurit, në bashkëpunim me njëri-tjetrin të jenë dhe autorë të ngjarjes së ndodhur me datë 5 prill, në Fushë Mamurras, ku Kreshnik Perndoj, banues në Lezhë, i cili drejtonte mjetin BMV me targë AA 869 AG dhe personave që udhëtonin me të, iu kanë vjedhur më të njëjtën mënyrë, katër telefona, një sasi lekësh dhe disa bizhuteri. Të arrestuarve u janë gjetur dhe sekuestruar në cilësinë e provës materiale, disa prej telefonave të vjedhur, kurse sendet me vlerë rezulton ti kenë shitur.





Lajmet e fundit nga