E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Kush është kandidatja e LSI-së në Pogradec dhe aferat e saj ?

12 Prill 2015, 09:28, Aktualitet CNA

Ajo që dje u prezantua nga Klajda Gjosha si një arkitekte me vlera, e cila do të kandidojë për Bashkinë e Pogradecit, pas disa verifikimeve mjaft të thjeshta, rezulton se këto fjalë ishin thjesht politike. Sipas dokumentave të nxjerra nga QKR, rezulton se arkitektja e pretenduar e Pogradecit nuk është gjë tjetër veçse një bariste.

Sipas dokumentit ajo është regjistruar si Person Fizik për subjektin Bar-Bufe, me vendodhje në Pogradec. Kjo është puna e parë e saj si arkitekte.

Më tej mesa duket tregtia në Bar-Bufe ka pasur të ardhura të mira dhe zonja në fjalë, më 25 tetor të vitit 2013, hap një biznes ku është vetë 100% aksionere, e cila përfshin që nga trajtimi i farave pyjore e deri te ndërtimi i rrugëve dhe autostradave.

Të dyja këto subjekte kanë të njëjtën adresë. Fillimisht zonja iu ka vendosur adresë në Tushemisht, më pas e ka çuar në adresën të njëjtë me Bar Bufen.

Por në kërkimet tona arkitektja e LSI-së, e shpallur dje për kandidimin në Bashkinë e Pogradecit na rezulton se prej një kohe të gjatë ajo ka qenë administratore e firmës RD-2, subjekt i cili u proçedua penalisht nga Policia dhe Prokuroria për bllokimin e rrugës nacionale Pogrades-Qafë Thanë-Prrenjas dhe anasjelltas. Sipas QKR, rezulton me pronar Alban Abazin, por përpara se zonja Mile të hapte firmën tjetër të saj me emrin DANDELION, rezulton se ka qenë administratore e firmës RD-2.

Burime për cityfm.al thanë se zonja Diana Mile nuk është një kandidate e strukturave të LSI-së në Pogradec, por thjesht një kandidate që vjen nga interesa klienteliste dhe korruptive. Kjo për faktin se kandidatja Mile dhe subjektet e saj apo të lidhura me të janë firmat kryesore që kanë bërë batërdinë urbanistike në vijën liqenore nga Pogradeci në Tushemisht.

Të gjitha materialet, fotot do të publikohen në ditët në vijim, por besojmë se vetë qytetarët e Pogradecit, punonjësit e komunës Buçimas dhe bizneset e tjera në Pogradec janë të vetëdijshëm dhe të mirëinformuar se kush është në fakt kjo kandidate e LSI-së e cila për asnjë çast nuk ishte diskutuar si emër, por doli në çastet e fundit, menjëherë pas refuzimit që Kryeministri Edi Rama bëri për kandidatin Roshi Tollozhina. Kjo erdhi pas qëndresës të strukturave të Partisë Socialiste në Pogradec të cilat mesa duket nga shiu ranë në breshër.

Nuk pranuan krykomunarin Tollozhina dhe tashmë në garë do të kenë një ish-pronare bari të konvertuar në biznesmene, e përzier në shumë e shumë afera e ndërtime që lehtësisht do të mjaftonin që ajo të merrte drejtimin e Bashkisë së Pogrdecit dhe masakra me ndërtimet në qytetin liqenor të mos ndalej kurrë.