web counter
LEXO PA REKLAMA!

SHKARKO APP

App Store
Google Play

E fundit!

x

Bojaxhi: Basha zgjatim klientelist të bulevardit, projektin do e vazhdoj

10 Prill 2015, 21:35, Aktualitet CNA

Kandidati i pavarur në garën për Bashkinë e Tiranës, Gjergj Bojaxhiu ka deklaruar se kryetari i Bashkisë Lulzim Basha ka zgjatur realizimin e projektit të bulevardit në mënyrë klienteliste, ndërsa pohoi se nëse do zgjidhej në krye të Bashkisë, ai do e vazhdonte këtë projekt. Në një intervistë për gazetarin Arjan Çani në Zonë e Lirë, Bojaxhi shtoi se projekti do të vijonte, përveç elementit të tramit, të cilin e quajti si diçka të panevojshme.

Nëse ai do të fitonte në zgjedhjet e 21 Qershorit, Bojaxhi tha se do të shtonte referendumet lokale për përcaktimin e zonave të gjelbra në kryeqytet. Gjithashtu sipas tij është e nevojshme përcaktimi i një koefiçienti midis bankave të shkollës dhe hapësirave të gjelbra, dhe duke e vënë si kusht, do të reduktohej numri i ndërtimeve dhe do të shtoheshin hapësirat e gjelbra.

Bojaxhi kritikoi firmat e pastrimit që kryejnë aktivitetin në Tiranë, pasi sipas tij nuk ka një cilësi dhe mbikqyrje të punës së tyre.  Lidhur me financimin, ai tha se po bën një fushatë të lirë dhe se në ekipin e tij ka shumë vullnetarë.





Lajmet e fundit nga