E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

Voltana Ademi: Jam e gatshme të kandidoj për Shkodrën

10 Prill 2015, 21:11, Aktualitet CNA

Deputetja e Qarkut Shkodër Voltana Ademi thotë se është e gatshme për të kandiduar për Bashkinë Shkodër në zgjedhjet lokale të 21 Qershorit. Kandidatura e së djathtës për Bashkinë Shkodër ende nuk është zbardhur dhe të gjithë janë në ankth duke pritur se kush do të jetë, Voltana Ademi, Lorenc Luka, Xhemal Bushati, Sokol Ramadani apo ndonjë emër tjetër surprizë.

Deputetja e Shkodrës pranon se është një prej kandidaturave potenciale për të garuar për Bashkinë Shkodër. ?Unë jam një nga kandidaturat e sjella nga qyteti i Shkodrës në kryesinë e Partisë Demokratike në Tiranë. Natyrisht që proçesi është në vlerësim. Janë disa kandidatura të qytetit të Shkodrës që do të jenë në këtë vlerësim. Ne bashkarisht do të përzgjedhim më të mirën për qytetin dhe mendoj se ky do të jetë një vendim i shpejtë që do të merret nga kryesia e Partisë Demokratike dhe do të lançohet nga kryetari Lulzim Basha, jo vetëm për Bashkinë Shkodër por edhe për të gjitha Bashkitë e Qarkut Shkodër dhe gjithë Shqipërisë po ashtu. Ky do të jetë një vendim i shpejtë besoj, përsa kohë ka patur një konsultim me të gjithë aktoret me partitë aleate, me deputetët gjithashtu me faktorët qytetar për të pasur përzgjedhjen më të mirë për kryesimin e Bashkive në të gjithë Shqipërinë dhe ky është një proçes që vazhdon?.

E pyetur nëse është e gatshme për të pranuar nëse lidershipi i PD në qendër vendos ta kandidojë deputeten, Ademi pohon një gjë të tillë duke thënë se është e gatshme përsa kohë prej është në politikë dhe ka dhënë kontribut në nivele të ndryshme duke qenë aktualisht deputete e Qarkut Shkodër, e zgjedhur në zgjedhjet parlamentare të 23 qershorit 2013-të. ?Unë jam deputete e Qarkut Shkodër dhe jam përpjekur që ta bëj këtë punë me mundësitë që kam patur me dëshirën dhe vullnetin. Normalisht që në politikë kur merr pjesë je aty për t?u angazhuar dhe sakrifikuar, padyshim që nivele të ndryshme të politikës kërkojnë një angazhim të tillë. Gjithmonë unë kam qenë e gatshme të kontribuoj në politikë në pozicione dhe në nivele të ndryshme dhe jam e gatshme edhe tani. Do të vazhdoj të jem pjesë e një fushate të rëndësishme në Shkodër për të fituar Bashkinë e Shkodrës dhe jo vetëm Bashkinë e Shkodrës por edhe Bashkitë e Qarkut të Shkodrës dhe kjo është më e rëndësishme në këtë moment dhe këtë ne do ta bëjmë bashkë me qytetarët, bashkërisht, duke marrë pjesë fuqishëm, jo vetëm për shkak të problematikave të Shqipërisë tani edhe të Shkodrës gjithashtu. Janë ekonomia, shëndetësia, arsimimi, siguria, të drejtat e njeriut dhe këto gjëra i kemi thënë disa herë dhe situata është goxha e rëndë dhe ne këtë duhet që ta bëjmë bashkë me njerëzit. Padiskutim që do të jem pjesë e një frymë të tillë për të bashkuar njerëzit për të fituar Bashkinë e Shkodrës?.

Lidhur edhe me emrat e tjerë që përfliten si kandidatura të mundshme për Bashkinë Shkodër, deputetja Ademi pranon konkurencën dhe thotë se konkurenca është vitale dhe e domosdoshme. ?Është konkurencë normale dhe kandidaturat kanë qenë të shumta. Unë kam parë disa herë që është reklamuar numri i madh i kandidaturave për Bashkinë Shkodër, proçesi është proçes konkurues, gjë normale, është i tillë dhe shumë mirë se është i tillë se ka një vitalitet, ka dëshirë, bashkëpunim mes të gjithëve për të bërë më të mirën për Shkodrën?-përfundon deputetja Ademi.

14 prilli është afati i fundit i vendosur nga Komisioni Qëndror i Zgjedhjeve për të vendosur për kandidatët e Bashkive në të gjithë vendin. Kandidatura e Shkodrës nëse nuk do të publikohet deri të shtunën e kësaj jave atëherë nuk do shkojë më se 14 prilli. E majta zyrtarizoi Keti Bazhdarin për Bashkinë Shkodër dhe tashmë pritet se kush do të dalë nga e djathta. Nëse do jetë Voltana Ademi përballë Keti Bazhdarit atëherë për të parën herë do të kishin një grua në krye të Bashkisë dhe një garë mes dy femrave. E vetmja femër në historinë e këtyre 25 viteve ishte e ndjera Esmeralda Uruçi për PS-në që konkuroi asokohe përballë Ormir Rusit. Ky i fundit u shpall fitues.

Shkodra Press