E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Bie Thesari, ngecin pagesat nga 4 prilli

10 Prill 2015, 06:59, Aktualitet CNA

Biznesit do t?i duhet të presë disa ditë për të bërë pagesa apo për të konfirmuar pagesat ndaj tij, pasi Thesari i Ministrisë së Financave aktualisht është jashtë funksionit. Financat konfirmuan dje se kjo ka ardhur si rezultat i shpërnguljes që po u bëhet pajisjeve nga zyrat e mëparshme të Financave te Kryeministria në zyrat aktuale.

Për këtë proces nuk është përcaktuar një afat kohor, pasi do të varet nga kushtet teknike dhe procedura e riinstalimit, por sipas Financave kjo nuk do të bëhet pengesë për pjesën e pagesave urgjente. Këto mund të përfundohen pranë bankave të nivelit të dytë, sipas autorizimeve të dhëna ose në ndonjë rast mund edhe të shtyhen.

Në fakt, referuar faqes zyrtare të Ministrisë së Financave, rezulton që pagesat nuk bëhen në mënyrë elektronike që më datë 4 prill dhe për ekzekutime duhet që të merret paraprakisht një urdhër. Sistemi i ri i Thesarit është i lidhur me atë të Tatimeve, duke mundësuar kështu në kohë reale përpunimin e të dhënave, si dhe rakordimin e pagesave.

Modernizimi i gjithë sistemit është kërkuar me ngulm nga Banka Botërore, e cila ka qenë edhe një ndër institucionet që ka dhënë mbështetjen me financim për të përmirësuar pjesën e taksave dhe sistemit të pagesave. Më herët ka qenë sistemi i Tatimeve që ka shfaqur probleme në muajt e parë të vitit, duke bërë që në disa raste bizneset të mos arrinin të shkarkonin deklaratat e tatimfitimit dhe duke sjellë kështu një ngërç me pjesën tjetër të të ardhurave, por kjo pengesë u cilësua e kaluar në muajin mars.

Po dje, Drejtoria e Përgjithshme e Tatimeve njoftoi se sistemi i saj nuk do të ishte funksional në një orar të kufizuar. ?Për arsye të mirëmbajtjes së sistemit të ri, sot, datë 09.04.2015, nga ora 20:00 deri në orën 21:00, faqja e internetit të administratës tatimore nuk do të jetë e vlefshme për t?ju mundësuar deklarimin elektronik të detyrimeve tatimore?, thuhet në njoftimin e Tatimeve.