E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Askushi që po na sorrollat

10 Prill 2015, 06:17, Aktualitet CNA

Nga Artan Fuga

Edhe një koment i fundit për kërcimet psikologjike të Arbër Mazniku, përpara sesa përsëri të mos ju harxhoj më kohë me të.
———————————–
Problemi nuk është ai në vetvete, qe kujton se ne nuk kemi punë tjetër veçse të lexojmë për ditë fjalitë që prodhon, të cilat pretendon t’i kthejë ne ligje dhe rregullore kazermash.

Ato që thotë e paraqet nuk duan as disa minuta për t’u kuptuar se janë krejt pa vlerë, pa asnjë kuptim dhe krejt kontradiktore, mediokre, e që prej dy vjetësh e kanë bërë kaos arsimin shaqiptr, në vend ta përmirësonin si duhet, do ta marrin rininë shqiptare edhe për një kohë në qafë duke i shkatërruar jetën.

Nuk i gjen për bé në asnjë vend të botës veçse në ndonjë vend sllav me prirje autokratike… Ku i gjen xhanëm???

Universitetin ai do ta kthejë në kazermë dhe kolkhoz sovjetik…

Problemi shqetësues për mua nuk është në vetvete individi që prej dekadash vjen, ikën, harrohet. Dukuri kalimtare.

Problemi është se cfarë defektesh gjigande ka ky sistem politik që
po shkatërron demokracinë dhe vendin, ku tipa të ndryshëm militantë, 99 – ça, 33 – sha, 66 – tsha, 44 – sha, e ku e di unë se çfarë tjetër, pasi merren gjoja me politikë kulisash,

pa marrë asnjë votë nga populli,
pa bërë kurrë asnjë orë leksioni,
pa drejtuar kurrë asnjë mbledhje universitare, lëre ndonjë katedër a fakultet,
pa shkruar kurrë një punim studimor,
pa drejtuar e pasur asnjë referencë të besueshme administruese në arsim a gjetiu,
pa pasur punuar kurrë në administratë, pa asnjë titull e diplomë përtej diplomës bazë, shpesh herë të dyshimtë,
pa asnjë kompetencë të certifikuar as në juridik, as në ekonomi, askund,
pasi hipin përkohësisht në ndonjë karrike, pretendojnë t’u imponohen shkollave, universiteteve, familjeve, shoqërisë, kombit, profesoratit dhe as më pak e as më shumë por të përcaktojnë se cfarë duhet dhe nuk duhet të bëjë kombi për arsimin e bijve dhe bijave të tij.

O Zot ne cfarë rreziku ndodhemi, ndodhet kultura, rinia universitare shqiptare!

Kurse personi individual nuk më intereson fare saqë kam kohë që në studio televizive nuk pranoj të shkoj kur është ai, është njësoj si të flasësh me murin.

Bën sikur ka pasur replikë me mua me truke gazetash, dhe pasi merr nga kjo faqe shkrime të mia i vendos në një nivel, ballëpërbalë, me replika personash pa status real për debat publik, për të krijuar gjoja idenë e një debati me këtë nëpunës të dorës të dytë, që në fakt, për respekt të vlerave universitare, une e kam refuzuar njeherë e mirë dhe prej kohe.

Nuk ja ka vlejtur.

Cfarë e bën dikë, dikë, pa asnjë legjitimitet moral, intelektual apo profesional që të merret me diçka, që të marrë hove imponuese e të na sorrollasë në qorrsokaket e tij?

Ky është problemi i vërtetë dhe serioz. Të tjerat janë pa vlerë.