E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

Pedagogë dhe studentë në grevë urie për rrëzimin e ligjit Çili-Nikolla, plan për të vënë në lëvizje Kushtetuesen

9 Prill 2015, 07:47, Aktualitet CNA

Thellohet akoma dhe më tepër konflikti mes universiteteve në Shqipëri dhe klanit Nikolla-Çili. Në qoftë se Ministria e Arsimit vijon të mos dëgjojë zërin e pedagogëve dhe studentëve për ligjin e arsimit të lartë, këta të fundit pritet që shumë shpejt të nisin një grevë urie. Pas protestave të vazhdueshme të zhvilluara prej tyre, tani duket se do të ketë një përshkallëzim, duke filluar me greva urie apo dhe bojkote. Por nëse deputetët në komisionet parlamentare tregohen të pavëmendshëm ndaj kauzës së tyre dhe do të bëjnë miratimin e draftit, universitetet do t?i drejtohen edhe Gjykatës Kushtetuese për të rrëzuar këtë ligj.
Kjo gjë është konfirmuar për gazetën ?Sot? si nga studentë ashtu edhe nga pedagogë, të cilët kanë thënë se në ditët në vijim do të ashpërsohen reagimet e tyre. ?Protestat do të vijojnë të përshkallëzohen gjatë kohës që drafti do të shqyrtohet në komisione. Do vijojmë të kemi reagime dhe protesta dhe nëse vijohet kështu do të shkojmë drejt grevës së urisë. Normalisht do të ndjekim më pas edhe të gjitha procedurat ligjore nëse miratohet, duke ju drejtuar edhe Gjykatës Kushtetuese. Shpresojmë që të frenojmë miratimin e ligjit, ose të paktën të ndryshojmë ato pika që janë të tmerrshme?, deklaroi për gazetën pedagogu i Historisë, Andi Pinari.

Financohet privati
Më tej Pinari ka renditur edhe disa prej arsyeve se përse stafet akademike e kundërshtojnë këtë ligj, duke thënë se përmes tij do të financohen universitetet private dhe kjo do të rrënojë ato publike. Po ashtu ai u shpreh se përmes tij cenohet autonomia e universiteteve. ?Ajo çfarë bën ky ligj është transformimi i të gjithë universiteteve private në universitete publike të pavarura. Në këtë mënyrë do të përfitojnë nga ato fonde të pakta që aktualisht i merr vetëm universiteti publik. Ky është një problem. Më pas është çështja e trajtimit të studentëve, ku parashikohet shumë pak edhe për përmirësimin e kushteve apo strukturës së organizimit. Ajo që është Kali i Trojës është rritja e tarifave të studentëve. Edhe nëse nuk e bën qeveria, domosdoshmërisht do ta bëjë universiteti publik apo dhe ky publik i pavarur pasi kjo do të jetë e vetmja mënyrë për të mbijetuar?, vijoi ai.

Cenohet autonomia
Në të njëjtën linjë ka qenë edhe studiuesi dhe pedagogu Aleksandër Koçani, i cili është shprehur për gazetën se përmes këtij drafti qeveria do të rrisë kontrollin ndaj universiteteve. Ai ka bërë thirrje që ai të rrëzohet në komisionet parlamentare. ?Për mendimin tim ky draft nuk duhet të kalojë fare në Parlament, pasi e kam shumë të vështirë që të gjej pika pozitive në të.
Ky ligj u motivua nga ideja që deri më tani autonomia universitare ishte abuzuar. Dhe kjo është e vërtetë, si në zgjedhje apo aktivitete të tjera, partia arrinte të lobonte dhe të merrte kreun e fakulteteve, pra me pak fjalë kanë bërë siç ju ka dashur qejfi. Nga ana tjetër MAS në kundërshtim me ato të drejta dhe detyra që vë ligji që të vijë dhe të kontrollojë. Mirëpo ndryshimi tani kërkohet i tillë që bashkë me abuzimet të zhdukësh autonominë.
Duke zhdukur autonominë, zhduk vetë universitetin. Universiteti publik që nuk ka autonomi, nuk ka liri akademike, që nuk është më vatër e mendimit kritik, nuk është më universitet?, tha ai. Prej më shumë se një viti pedagogë dhe studentë e kanë kundërshtuar ashpër nismën e Ministrisë së Arsimit për të hartuar një ligj të ri për arsimin e lartë. Por edhe pse u morën për bazë disa sugjerime, ato më të rëndësishmet u lanë jashtë e për këtë arsye pritet që në vijim të ketë reagime më të forta nga stafet akademike.