E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Statistika të munguara dhe drejtimi i anijes me sy

9 Prill 2015, 06:25, Aktualitet CNA

Nga Artan Fuga

A di njeri o njerëz, statistika të tilla të domosdoshme për të ditur ku vemi e ku përplasemi?

– Sa nxënës përfundojnë gjimnazin çdo vit?
– Sa nxënës që përfunduan maturën vjet kishin si kërkesë të parë për të vazhduar studimet universitare në degë të ndryshme si fizikë, sociologji, ekonomi, etj. etj. ?
– Sa nxënës që u maturuan vjet nuk erdhën fare në universitete, dhe nga cfarë rrethesh ishin dhe me cfarë note mesatare?
– Sa janë të ardhurat mesatare të familjeve me fëmijë studentë sipas rretheve?
– Sa lekë harxhon mesatarisht një student i ardhur nga rrethet për të jetuar në Tiranë a qytete të tjera kur studjon?
– Cila është gjendja financiare e familjeve që sjellin fëmijët në universitete private?
– Sa është papunësia cdo vit e studenteve të diplomuar?
– Si ndahet kjo papunësi sipas degëve të studimeve dhe sipas universiteteve ?
– Sa vende pune hap sektori publik për mësuesi cdo vit sipas lëndëve dhe profesioneve?
– Sa të rinj të arsimuar me diplomë universitare punësohen ne sektorë prodhues dhe sa në sektorë shërbimesh?
– Sa të diplomuar kthehen në vendlindje pas studimeve dhe sa mbeten rrugëve në qytetin ku kanë studjuar?
– Sa studentë shkojnë në universitete të huaja dhe nga çfarë shtresash shoqërore vijnë ata?
– Sa studentë pas bachelorit shkojnë në mastera? Apo në mastera të ndryshëm nga profili i bachelorit?
– Sa janë të ardhurat mesatare të cdo studenti nëse punon në pesë vitet e para pas diplomimit?

A i di njeri këto të dhëna?
A i boton njeri?
A mbahen parasysh kur planifikohen kuotat e shpërndarjes të studentëve?

Apo ç’i deshe? Mato Gruda qëllon me top duke e parë shenjën me sy??? Zjarr Mato !

Po nuk i keni dot, po thoni o të uruar se gjenden nuk është hataja, prandaj ka marifete shkencore në këtë botë për të administruar proceset sociale në mënyrë shkencore se nuk jemi në epokën e gurit dhe të … litarit !!