E fundit!

21:09 Aktualitet

Fotolajm/ Protesta kundër qeverisë në Tiranë

Protesta dhe thirrjet e qytetarëve për dorëheqjen e kryemi...

Milano/Terror në Gjykatë, i pandehuri hap zjarr, katër të vrarë

9 Prill 2015, 09:38, Aktualitet CNA

Të shtëna në Pallatin e Drejtësisë në Milano. Në gjykatë ka hapur zjarr një i pandehur, Claudio Giardiello, 46 vjec i akuzuar për mashtrim me falimentin. Personi në fjalë ka shtënë me pistoletë të paktën pesë herë në katin e tretë të gjykatës, rreth oprës 11 të mengjesit, pasi avokati i tij kishte hequr dorë nga mbrojtja duke shkaktuar kaos në ndërtesën e gjykatës.
Personat që kanë humbur jetën janë tre, sipas medias italiane, një gjykatës i cili është arritur nga plumbat në katin e dytë të ndërtesës, në zyrën e tij. Përveç të vrarëve, ka edhe dy të plagosur.
Sipas burimeve të medias italiane të konfirmuara nga ministri i Drejtësisë, Angelino Alfano, agresori është vendosur në pranga nga anaa e policisë në Brianza në portat e qytetit të Milanos, pas një arratisjeje të shkurtër me motor nga godina e gjykatës.
Karabinierët që kryen arrestimin thanë se i pandehuri ishte në gjyq për falimentin Eutelia-Agile, shoqërisë call center.
Gjykatësi i vrarë nga Giardiello është Fernando Ciampi. Ende nuk është e verifikuar zyrtarisht, mirëpo ka gjasa që i pandehuri me pistoletë në dorë të ketë hyrë në zyrën e tij në katin e dytë, pasi kishte nisur të qëllonte në sallën ku mbahej procesi i tij.
Personi i dytë i vrarë në pallatin e Drejtësisë në Milano është avokati
Lorenzo Alberto Claris Appiani. sipas të dhënave, ai është avokati mbrojtës i të pandehurit, me të cilin ka hyrë në ndërtesë gjatë paradites. për këtë arsye, edhe i pandehuri ka kaluar pa kontroll nga sinjalizuesit e metaleve të Gjykatës.
Të plagosur kanë mbetur dy persona, të dy të pandehur në proces. Ata janë xhaxha e nip.
Gjykatësit e pranishëm në godinë kanë thënë për agjencitë lokale të lajmeve se e konsiderojnë të habitshme sesi mund të hyjë një person i armatosur në mjediset e tyre, sidomos në kohë të tilla kur kontrollet duhej të ishin më të forta.
Godina është evakuuar e shumë persona kishin dalë më herët në panik, ndërsa forcat e rendit kanë ndërhyrë më pas për dalje të organizuar. Me qindra persona kanë qenë të pranishëm në mjediset ku ka ndodhur ngjarja.