web counter
LEXO PA REKLAMA!

SHKARKO APP

App Store
Google Play

PD: Rama-Meta sulm politik përmes ILDKP, për të fshehur zullumet e tyre

7 Prill 2015, 12:43, Politikë CNA

Partia Demokratike ka reaguar lidhur me akuzat e ILDKP në adresë të deputetit demokrat Ridvan Bode. Në reagimin e saj PD shprehet se Bode i ka përmbushur detyrimet e tij konform ligjit për deklarimin e pasurisë. Ajo që shërbeu sot ILDKP ishte një porosi politike e Edi Ramës.

?Instrumentat e kapura të ILDKP-së shërbyen sot një porosi politike të Edi Ramës, duke sulmuar opozitën. Nuk ka asgjë të vërtetë në atë çfarë deklaron ILDKP-ja për zotin Ridvan Bode.

Z.Bode i ka përmbushur detyrimet për deklarimin e pasurisë sipas ligjit dhe në kohë. Kjo është një përpjekje e dyshes Rama-Meta për të larguar vëmendjen nga dekriminalizimi dhe nga korrupsioni galopant që kanë instaluar në qeverisjen e tyre. Shashka politike që hodhën sot permes instrumenteve të kapur të ILDKP-së nuk do ta fshehë dot zullumin dhe pasuritë kriminale që po vendosin Rama dhe Meta.

Kjo manovër e ulët politike, nuk mbulon dot aferat e Edi Ramës dhe Ilir Metës me koncesionet, tenderat, rryshfetin e përbindshëm, abuzimet me pasuritë e me taksat, shpërdorimin, dhe shfrytëzimin për klientelen e tyre të pasurive kombëtare?, përfundon deklarata e PD.

 





Lajmet e fundit nga