web counter
LEXO PA REKLAMA!

SHKARKO APP

App Store
Google Play

Bode: Akuza me prapavijë politike, kallëzim ndaj Ganajt

7 Prill 2015, 12:06, Politikë CNA

Ish-Ministri i Financave Ridvan Bode, njëherësh edhe deputet i Partisë Demokratike ka reaguar ndaj kallëzimit të bërë nga ILDKP. Në një prononcim për mediat, ish-ministri Bode ka hedhur poshtë akuzat e ngritura nga ILDKP duke theksuar se ai i është përmbajtur ligjit për deklarim të pasurisë.

Bode thekson se ky është një sulm politik dhe spekutaliv nga një institucion që duhet të jetë i pavarur. Por që është kthyer në një instrumetnt që përdoret politikisht. Ish ministri i Financave sqaron se i ka deklaruar të gjitha të dhënat dhe se kjo padi është një akt spekulativ me prapavijë politike.

?Ata kanë të gjitha kontaktet e mia, numrin e telefonit, adresat e sakta dhe gjithcka tjetër që duhet në detyrim të ligjit për Deklarimit të Pasurive? u shpreh Bode. Deputeti i Partisë Demokratike ka shtuar se në asnjë moment nuk ka ardhur një njoftim të ILDKP për t?u paraqitur para këtij institucioni për të dhënë shpjegime për mënyrën e burimit të pasurisë së tij apo familjarëve. Bode ka nënvizuar se do të bëjë një kallëzim ndaj kreut të ILDKP Shkëlqim Ganaj për denigrim të figurës.

?Unë i jam përmbajtur ligjit, kam bërë deklarimet sipas ligjit për pasurinë. Nuk ka pasur asnjë rast që të më ketë ardhur njoftim, jam paraqitur në përputhje me ligje të vendit. Do bëj kundër kallëzim ndaj Shkëlqim Ganaj për denigrimin e figurës sime.? është shprehur Bode .





Lajmet e fundit nga