web counter
LEXO PA REKLAMA!

SHKARKO APP

App Store
Google Play

E fundit!

x

Lëvizja Mjaft: Bashkia e Vlorës nga 78 premtime, 43 të parealizuara

7 Prill 2015, 14:24, Politikë CNA

Lidhur me mbajtjen e premtimeve në Bashkinë e Vlorës nga kreu i kësaj njësie vendore, Shpëtim Gjika, Lëvizja Mjaft ka prezantuar një raport, ku sipas tij rezulton se në fushatën e 2011 Gjika ka bërë 78 premtime.   Raporti evidenton se nga 78 premtime, janë realizuar plotësisht vetëm 20 prej tyre, 10 premtime rezultojnë të jenë pjesërisht të realizuara, 5 premtime konsiderohen të pamatshme, ndërkohë që 43 premtime kanë rezultuar të parealizuara. Përsa i përket numrit më të lartë të realizimeve atë e mban kategoria e Turizmit, Kulturës dhe Sportit. Raporti për Bashkinë e Vlorës vjen pas raporteve për Bashkinë e Tiranës dhe atë të Durrësit.

?Premtimet e konsideruara në këtë raport janë marrë nga platforma elektorale e z.Shpëtim Gjika, të prezantua më datë 4 Maj 2011 ndaj qytetarëve të Vlorës. Edhe për Bashkinë e Vlorës numri i premtimeve të shpallura është i madh dhe impakti i tyre në qytet, nëse do të realizoheshin, do të ishte i konsiderueshëm. Duke u bazuar mbi platformën elektorale, janë identifikuar 78 premtime. Në përfundim të hulumtimit dhe verifikimit të të gjitha premtimeve rezulton se janë realizuar plotësisht vetëm 20 prej tyre, 10 premtime rezultojnë të jenë pjesërisht të realizuara, 5 premtime konsiderohen të pamatshme, ndërkohë që 43 premtime kanë rezultuar të parealizuara. Përsa i përket numrit më të lartë të realizimeve atë e mban kategoria e Turizmit, Kulturës dhe Sportit. Në këtë kategori numërohen 10 premtime të realizuara nga 25 të tilla.

Ndërkohë që kjo kategori ka dhe peshën më të lartë në totalin e premtimeve të përmbushura pasi përbën 50% të tyre. Performancën më të dobët Bashkia Vlorë e ka patur në kategorinë e Mjedisit, pasi nga 5 premtime asnjë prej tyre nuk është realizuar. Gjithashtu edhe në kategorinë e Infrastrukturës janë përmbushur vetëm 2 premtime plotësisht, nga 19 të evidentuara. Pjesë e këtij raporti është analizimi i përmbushjes së premtimeve për periudhën kohore Qershor 2011, deri në ditën e prezantimit publik të këtij raporti? thuhet në raportin e Lëvizjes Mjaft.





Lajmet e fundit nga