web counter
LEXO PA REKLAMA!

SHKARKO APP

App Store
Google Play

Berisha mbron versionin e gazetarit investigativ Artan Hoxha

4 Prill 2015, 16:38, Aktualitet CNA

Ish-Kryeministri Sali Berisha është shprehur sot në rrjetin social Facebook lidhur me ndryshimin e dëshmisë së Durim Bamit, i cili sipas akuzave të deputetit Tom Doshi,  dyshohet si personi që do kryente vrasjen e tij dhe të deputetit demokrat Mhill Fufi. Sipas fakteve të cituara nga Berisha,  Durim Bami është i evidentuar si person me precedent të forte kriminal, si vrasës me pagesë dhe si lidhje e fortë e Emiljano Shullazit, person për të cilin ish-Kryeministri deklaron se ka lidhje kriminale me ministrin e Brendshëm Tahiri.

Berisha shton më tej se pas takimeve të Tahirit me Bamin në vilat qeveritare, ministri i ka hequr përgjuesin, i cili i ishte vendosur Bamit pas vrasjes së bankierit Artan Santo.

Kjo akuzë e artikuluar nga ish-Kryeministri Berisha, është deklaruar më herët nga gazetari investigativ Artan Hoxha në emisionin Opinion të Blendi Fevziut. Sipas Hoxhës, Durim Bami ka qene ne pergjim si i dyshuar për lidhje me vrasjen e bankierit Santo. Gazetari Artan Hoxha ka theksuar se Durim Bamit i eshte hequr nga pergjimi menjehere pasi Tom Doshi, ka vene ne dijeni kryeministrin Rama, Ministrin Tahiri dhe Prokurorin e Përgjithshem, për porosinë e vrasjes së tij nga Kreu i Kuvendit Ilir Meta.

Tashmë ish-Kryeministri mbështet versionin e gazetarit Hoxha, i cili ka denoncuar ngjarjet e 21 Janarit dhe ka qenë një nga të akuzuarit e Kryeministrit të asaj kohe, Berisha.





Lajmet e fundit nga