web counter
LEXO PA REKLAMA!

SHKARKO APP

App Store
Google Play

Shenim/Saimir Tahiri, tallava para mediave

31 Mars 2015, 13:13, Aktualitet CNA

Pas dorëheqjes së Drejtorit të Policisë së Shtetit, Artan Didi, arrestimit të Shefit të Interpol Tirana dhe një specialiste se kanë fshehur urdhër arrestin e Interpol Belgjikës për deputetin Mark Frroku, Ministri i Brendshëm, Saimir Tahiri sot mbajti ligjeratën e rradhës përpara mediave.

Ai doli live dhe foli jo pak, por në fund nuk tha asgjë. Tahiri lavëroi ish drejtorin e emëruar prej tij, i cili nuk pranoi të shkarkohej por u dorëhoq. Ministri nuk tha asgjë për situatën e rëndë dhe luftën ndaj krimit në vend.

Tahiri duhej ta shfrytëzonte, daljen para mediave për të kërkuar ndjesë publikut , pasi cdo ditë qytetarët në vend po përballen me shpërthime tritoli, me vrasje, me grabitje. Po shohin sesi deputetet duan të vrasin njëri tjetrin, apo si akuzohen për vrasje jashtë vendit. Asnjë fjalë!

Kreu i Ministrisë së Brendshme duhet të bëjë publike se kush mban përgjegjësi për gjithcka cënon rendin dhe sigurinë e qytetarëve? Po është vetë përgjegjësi kryesor duhet të ikë si miku i tij Artan Didi.  A ka ai pergjegjësi politike dhe morale? Por Tahiri nuk tha asgjë thjesht recitoi poezine e keqe të radhës.

Sot konferenca e shtypit nga Ministri i Brendshëm Saimir Tahiri nuk ishte gjë tjetër vecse tallava para mediave. Situata vazhdon të jetë njësoj, krimi ka pushtuar shtetin, Tahiri Ministër i Brendshëm, iku vetëm Didi i tij dhe shqiptarët panë tallavanë e rradhës live në media.





Lajmet e fundit nga