web counter
LEXO PA REKLAMA!

SHKARKO APP

App Store
Google Play

E fundit!

x

HABERET E MITROS / E FITUAN MIZAT BETEJËN

31 Mars 2015, 12:21, Aktualitet CNA

Nga Mitro CELA

 

Zanat i lashtë. Punën e nis me këndimin e gazetave. Sa nuk më pushoi zemra nga gazi! Në Lezhë një deputet për 140 mijë lekë ka blerë kalanë e Lezhës! Padi në prokurori. Por ferra e mori uratën! Kalasë i kanë dalë brinjët nga antenat që janë vënë për të vjelë qira pronari!…Në Tropojë u arrestua drejtori i OSHEE. Vidhte korent?! Në Kukës, për dy vjet, për paudhësi janë shkarkuar e ngarkuar katër drejtorë të Arsimit! Arjan Bajraktari, shef i Interpoilit në pranga sepse mbajti në sirtar “dosjen” e kolegëve nga Belgjika?!
…Kontolli i Lartë i Shtetit ka zbuluar, se ka shpërdorim të fondeve në tenderat e ministrinë e Drejtësisë!…Shkelen ligjet, në binanë që është ngritur për mbrojtjen e tyre? Pardon! Shpërdorim fondesh në tendërime ka edhe në kryeministri?! Lum kush të rrojë!
Lashë gazetën dhe rrëmbeva librin: ?Kaput?. Autor shkrimtari italian Malaparte. Mes të tjerave, autori tregon se një ditë personazhi i tij, hyri në një bar të Napolit. Lokali ishte i mbushur me miza. Mes mizash qëndronte baristi.
-Pse nuk filloni një luftë kundra mizave? Në veri të Italisë e kanë bërë këtë luftë dhe lokalet janë të pastërta.
I zoti i lokalit, pa e bërë qejfin qeder, pasi vrau dy miza mbi tavolinë, u përgjigj:
-Këtë luftë e filluam edhe ne. Por betejën e fituan mizat!?
Edhe qeveritë tona kanë ngritur institucione. Kanë ?gatuar? ligje të kopjuara nga evropianët, me asistencë amerikane. Ka bërë e ç?nuk ka bërë por…si puna e mizeve në Napoli…





Lajmet e fundit nga