web counter
LEXO PA REKLAMA!

SHKARKO APP

App Store
Google Play

Harito: Pr/ligji i ri për shërbimin postar synon liberalizimin e këtij tregu

30 Mars 2015, 20:38, Aktualitet CNA

Komisioni për Veprimtarinë Prodhuese, Tregtinë dhe Mjedisin diskutoi të hënën projektligjin ?Për shërbimin postar të Republikës së Shqipërisë?.

Ministrja e Shtetit për Inovacionin Milena Harito u shpreh se, projektligji synon liberalizimin e tregut postar dhe orientimin e tij drejt standardeve të reja. Sipas saj, fotografimi ajror i territorit të vendit që pritet të përfundojë rreth muajit qershor të këtij viti, do të mund të krijojë të dhëna që shërbejnë për njohjen e gjendjes aktuale të veçorive gjeografike shqiptare dhe formulimin e planeve kombëtare lidhur me territorin.

Përtej përfitimeve që do të kenë procesi i legalizimeve apo i pronësisë, rezultatet e tij do t?i shërbejnë edhe sistemit të ri të adresave në vend, tha Ministrja Harito, e cila nënvizoj se, skanimi i territorit të vendit do të shërbejë për drejtuesit e 61 njësive të reja vendore, të cilët mbi bazën e fotografimit do të aplikojnë në terren projektin për adresat.

Sipas relacionit që shoqëron këtë pr/ligj, shërbimet postare në Republikën e Shqipërisë do të funksionojnë sipas një ligji të ri, që synon të përcaktojë rregullat për ofrimin dhe sigurimin e shërbimeve postare, rregullat për sigurimin dhe financimin e shërbimit universal postar në një treg konkurrues dhe kushtet për akses në rrjetin postar në Shqipëri.

Projektligji ka qëllim sigurimin e ofrimit të shërbimit universal postar në të gjithë territorin e Republikës së Shqipërisë, mbrojtjen e interesave të përdoruesve dhe sigurimin e trajtimit të barabartë të tyre.

Për përshtatjen e Postës Shqiptare me situatën e ofrimit të shërbimeve në një treg konkurrues, në projektligj është parashikuar një periudhë tranzitore për mbajtjen e shërbimit universal postar nga Posta Shqiptare deri në fund të vitit 2016. Komisioni për Veprimtarinë Prodhuese, Tregëtinë dhe Mjedisin pas shqyrtimit të pr/ligjit e miratoi atë unanimisht.





Lajmet e fundit nga