web counter
LEXO PA REKLAMA!

SHKARKO APP

App Store
Google Play

E fundit!

x

Ristani: Mark Frroku mbahet nën presion nga Rama e Meta

17 Mars 2015, 10:36, Politikë CNA

Sekretari i Përgjithshëm i Partisë Demokratike Arben Ristani ka deklaruar se deputeti Mark Frroku po mbahet nën presion nga kreu i Kuvendit Meta dhe Kryeministri Edi Rama. Sipas Ristanit Frrokut po i bëhet presion për shkak të gjyqit të vëllait të tij, Arben Frrokut i cili akuzohet si vrasësi i Kryekomisarit Dritan Lamaj, si dhe për raportin e policisë se deputeti Frroku është i implikuar në trafik droge. Per kete arsye Frroku nuk ka deshmuar te verteten ne Prokurori per akuzat e Tom Doshit se Kreu i Kuvendit Meta ka urdheruar vrasjen e dy deputeteve Fufi dhe Doshi.  Ristani shtoi se fakti që e gjithë kolona kryesore e shtetit është e përfshirë në manipulime dhe fshehje të ngjarjeve kriminale në vend sjell një nevojë emergjente për një hetim ndërkombëtar.

Deklaratë e plotë Sekretarit te Pergjithesh te PD-se dhe deputetit Arben Ristani

Po bëhen 24 orë që janë publikuar dokumentat që tregojnë se Edi Rama dhe Ilir Meta kanë marrë peng dëshmitarin kryesor në hetimin e akuzës për porositjen e vrasjes së dy deputetëve nga Kryetari i Parlamentit.

Prej 24 orësh, Edi Rama dhe Ilir Meta heshtin, edhe pse u bë botërisht e njohur, se ata e kanë zënë deputetin Mark Frroku në flagrancë, duke marrë në mbrojtje një person të kërkuar për trafikun e drogës.

Trafikanti u la i lirë, dhe deputeti Frroku gjithashtu nuk pati asnjë pasojë, sepse e gjitha kjo është në funksion të manipulimit të hetimit, dhe fshehjes së të vërtetës, në lidhje me akuzën më të rëndë të 25 viteve të fundit, që Kryetari i Parlamentit ka porositur vrasjen e dy deputetëve.

Kjo është një skemë mafioze e kriminale, kapja e dëshmitarit kyç të procesit, dhe përdorimi i tij më pas, sipas interesave të tyre, për të dalë të larë nga kjo histori.

Deputeti Frroku është gjithashtu nën presion me gjyqin që ka ndërkohë vëllai i tij i cili akuzohet për vrasjen e komisarit Lamaj.

Për ta pasur krejt të sigurtë dhe në duart e tyre dëshminë kryesore, Rama dhe Meta, e kanë futur nën sqetull dhe e mbajnë me shantazh deputetin, me anë të raportit të policisë ku faktohet përfshirja e tij e drejtpërdrejtë në trafik droge dhe marrja në mbrojtje e kokës së organizatës që i shpëtoi aksionit ndërkombëtar të Vilunit.

E gjithë kolona kryesore e shtetit, Drejtori i Përgjithshëm i Policisë, Ministri i Brendshëm, Kryeministri dhe Kryetari i Parlamentit janë përfshirë në këtë skemë kriminale të manipulimit të hetimit dhe mbulimit të ngjarjes, kapjes së dëshmitarëve, e presionit të vazhdueshëm ndaj prokurorisë, për të penguar drejtësinë, për të fshehur të vërtetën.

Këto fakte tronditëse, të përfshijres së gjithë shtetit për të influencuar hetimin, e bëjnë edhe më urgjente nevojën për asistencë ndërkobëtare në këtë proces, jetik për vendin.

Ilir Meta dhe Edi Rama po sfidojnë çdo ditë durimin e popullit, duke treguar se ata janë të implikuar kokë e këmbë në skenarin e vrasjes dhe janë gati të bëjnë cdo gjë që ndaj tyre të mos ketë hetim, ndaj tyre të mos veprojë ligji.

Ilir Meta duhet menjëherë të japë dorëheqjen e të largohet nga presioni që po i bën prokurorisë.

Edi Rama duhet menjëherë të rrijë larg procesit, ndryshe është njësoj i akuzuar si partneri i tij Meta.

Këto janë orë kritike për vendin.

Sundimi i krimit nuk mund të vazhdojë,

Shqipëria nuk mund të vazhdojë të lëngojë

Koha e drejtësisë po vjen.

Qytetarët janë në këmbë.





Lajmet e fundit nga