web counter
LEXO PA REKLAMA!

SHKARKO APP

E fundit!

x

Francë/Rihapet gjyqi ndaj policisë për “mosdhënie ndihme”

16 Mars 2015, 12:58, Aktualitet CNA

Dy oficerë policie pritet të dalin përpara gjyqit në Francë të akuzuar se nuk u dhanë ndihmë dy adoleshentëve, vdekja e të cilëve në një kabine elektrike nxiti javë të tëra protestash.

Bouna Traore, 15 vjeç dhe Zyed Benna, 17 vjeç humbën jetën nga korrenti në periferinë e Parisit, Clichy-sous-Bois në tetor 2005.
Policia i ndoqi dy djemtë ndërsa ata ktheheshin në shtëpi nga një ndeshje futbolli.
Pothuajse, 10 vjet më pas, gjykata ne Ren do të vendosë nëse Sebastien Gaillemin dhe Stephanie Klein e dinin se djemtë ishin në rrezik dhe nuk bënë gjë për t?i ndihmuar ata.

Rasti është zvarritur nëpër gjykata me vite, pasi gjykata më e lartë e Francës hodhi poshtë në vitin 2012, një vendim që rrëzonte akuzën për mosdhënie ndihme kundër tyre.

Policia ishte thirrur kur një banor i lagjes kishte parë grupin e djemve të kalonin para ndërtesës. Tre prej tyre hynë në kabinën elektrike dhe vetëm njëri arriti të mbijetojë me djegie të rënda.





Lajmet e fundit nga