web counter
LEXO PA REKLAMA!

SHKARKO APP

App Store
Google Play

Grida Duma përballë Vangjush Dakos?

15 Mars 2015, 14:10, Aktualitet CNA

Partia Demokratike është duke i dhënë dorën përfundimtare kandidaturave për kryetarë të 61 njësive vendore. Burime nga PD thanë për cityfm.al se një nga kandidaturat kryesore për t?u përballur me Vangjush Dakon në Durrës është Sekretarja për Marrëdhënien me Publikun në PD, Grida Duma.

Duma e cila përflitej për bashkinë e Tiranës, është kandidaturë më shumë e mundshme për Durrësin, nga ku ka dhe origjinën e saj. Duma, e cila ka qenë Zv.Ministre e Integrimit në qeverinë e Berishës, një nga produktet e dala nga dora e Henri Cilit të UET u bë një personazh  publik pas zgjedhjeve të vitit 2013, një moment traume pas humbjes për PD dhe opozitën. Ajo ishte një nga personazhet që shkoi në cdo studio televizive duke bërë oponencën ndaj qeverisë Rama dhe duke mbrojtur qeverinë Berisha.

Në fakt diku e conte PD-ja dhe diku Cili, Grida filloi të fitonte goxha pikë në publik.Ajo u përfol si Nënkryetare e mundshme e PD-së, por kuotat e Dumës gjatë vitit 2014 pësuan një ulje të ndjeshme pas akuzave publike për cështjen e hapur në Prokurori në lidhje me shitjen e pasurive të paluajtshme nga një ish ortak i saj në biznes, pa harruar dhe takimet e mbajtura të fshehta me Zv.Kryeministrin Niko Peleshi dhe Ministrin e Brendshëm Saimir Tahirin pas një ngjarje kriminale të ndodhur në kryeqytet.

Grida Duma duket se është kandidatja alternative përballë Vangjush Dakos. Një kandidat tjetër i propozuar nga Partia Republikane është Agron Duka, i cili mund t?i shtojë shanset opozitës për shkak të profilit politik të tij dhe votave që mund të marrë nga e majta. Me sa duket Partia Demokratike nuk do t?i lërë terren republikanëve për Bashkinë e Durrësit.





Lajmet e fundit nga