Dritan Prifti: Ka filmime që tregojnë se Frroku është takuar me Bamin

12 Mars 2015, 20:19, Politikë CNA

Ish deputeti i LSI-së Dritan Prifti ka deklaruar se është informuar nga Tom Doshi për atentatin e mundshëm ndaj tij në fillim të muajit tetor, edhe pse ai tha se duhet ta merrte vesh edhe më parë.

?Pasi më ka informuar jam përpjekur t?i qëndroj pranë Doshit me sa mundësi kam patur? tha Prifti në një intervistë mbrëmjen e sotme për Ora News. I pyetur nga gazetari Ylli Rakipi se cili ishte interesi I Metës për të vrarë deputetin Doshi, ai është përgjigjur se Doshi nuk kishte interes të sajonte këtë histori.

Prifti ka dhënë edhe një fakt, ku sipas tij ekzistojnë filmime që tregojnë se Durim Bami është takuar me Mark Frrokun, duke hedhur poshtë kështu dëshminë e Frrokut në Prokurori. Sipas Prifit deputeti Mark Frroku ka qenë edhe në dasmën e nipit të Mark Frrokut dhe të gjithë e kanë parë atë.

Prifti deklaroi se edhe ai është njoftuar nga deputeti Frroku I cili I ka thënë se kreu I Kuvendit Meta ka dashur të vrasë Priftin.

?Në muajin gusht të 2014 kam qenë me pushime kur më Mark Frroku më telefonoi e më tha se dua të të takoj. Ai më tha se Ilir Meta ka porositur vrasjen tënde.Por Mark Frroku nuk më dha emrat e personave të cilët kishin organizuar vrasjen time.

Menjëherë unë i thashë një miku të përbashkët që kemi unë dhe Meta. Ky mik I joni shkoi dhe ia tha Metës, I cili ishte me pushime në Jalë, ku më pas më kaloi edhe në telefon Metën. Meta më tha se ca janë këto o Dritan, shiko se mos t?a ka bërë Visho Ajazi ose Berisha, se unë nuk kam gisht.? tha Prifti. “Por unë nuk ndoqa rrugën e Tomës dhe nuk e bëra publike këtë.”

Sa I përket çështjes Doshi ai ka thënë se nuk ka besim se ky hetim do të zbulojë diçka, por nëse kjo investigohet nga hetues ndërkombëtar ata mund të zbërthejnë fakte dhe të dhëna që ekzistojnë.

Lidhur me lajmin e qarkulluar në media se ekziston një video-skandal seksi ku I përfshirë është Dritan Prifti, ky I fundit deklaroi se nëse ka ndonjë video, e mirëpret. Madje nuk mohoi edhe faktin se ai disponon video të tjera për të cilat po pret momentin e duhur për t?I publikuar.

I pyetur nëse Prifti ka ndonjë video me djalin e ish Kryeministrit Berisha, ai deklaroi: ?Nuk kam asnjë video dhe nuk kam patur asnjë here video me Shkëlzen Berishën?.

Dritan Prifti gjithashtu la të nënkuptojë se do të rikthehet në politikë. Ai shtoi se është duke e shitur biznesin e tij, pasi problemet politike mund t?I sjellin shqetësime dhe ortakëve të biznesit.