web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Emiljano Shullazi u shpall i pafajshëm nga Qeveria

26 Shkurt 2015, 16:01, Aktualitet CNA

Ish kryeministri Berisha ka deklaruar se ekzistojnë dokumenta që dëshmojnë lidhjet e qeverisë me krimin. Në seancën e sotme plenare ai ka treguar vendimin e Gjykatës Administrative, Shkalla e Parë, që mban datën 15 shkurt 2014, dhe tregon se Emiljano Shullazi është shpallur i pafajshëm edhe pse është kapur me armë pa leje. Berisha shtoi se Ministri Saimir Tahiri ka ndërhyrë në Gjykatë që Shullazi, personi që kërcënoi kreun e Partisë Demokratike, Lulzim Basha, të lihet i lirë.

Berisha është shprehur edhe për rastet e fundit të dhunës ndaj qytetarëve, ku tha se vendin e ka përfshirë një terror policor. Sipas Berishës policia po vepron me akte shtazore ndaj qytetarëve. Ish Kryeministri akuzoi qeverinë se i ka mbushur burgjet me njerëz të pafajshëm. Për këtë ai citoi edhe Avokatin e Popullit, Igli Totozani, i cili është shprehur se në qelitë e burgjeve shqiptare po vuajnë 20 vetë në një qeli. Kjo sipas Berishës është një dhunim fizik dhe psikologjik.

Berisha i ka bërë thirrje dhe Bankës Botërore , ku i ka kërkuar që të sjellë grupe pune për të verifikuar tenderat dhe projektet e bllokuara nga Qeveria. Ai shtoi se autostrada Qukës-Qafë Pllocë, projekti i Ujësjellësit të Durrësit dhe Ujësjellës-Kanalizimeve në Tiranë me vlerë 120 milion dollarë, janë bllokuar pa arsye nga Qeveria. Sipas Berishës parimi themelor i Bankës Botërore është reduktimi i varfërisë, e për këtë duhet të monitorojë edhe qeverinë shqiptare e cila po i vjedh qytetarët.

Ai ka replikuar edhe me kreun e Grupit Parlamentar të Lëvizjes Socialiste për Integrim, ku i tha se tenderi për sterilizimin e aparaturave në spitale po bëhet pa arsye, pasi aparaturat më moderne janë vendosur në Spitalin e Urgjencës nga qeveria Berisha, dhe se kapacitetet e saj mund të tejkalojnë 2 herë pacientët e Tiranës.





Lajmet e fundit nga