E fundit!

09:24 Kronika

Pjesë e grupeve kriminale/ Pritet ekstradimi i 6 personave të kapur në Dubai

Pritet të ekstradohen sot në Shqipëri 6 shtetasit e kapur ...

Halil Matoshi nuk mund ta thotë më qartë se kaq që është agjent serb

24 Shkurt 2015, 18:35, Aktualitet CNA

Kastriot Myftaraj

Halil Matoshi sapo e ka pohuar në mënyrën e tij që ka qenë dhe vazhdon të jetë agjent i Serbisë. Në një postim në profilin e tij në Facebook, Matoshi thotë:
?E kam nje ide: Kisha (politike) Ortodokse Serbe ne oborr te Universitetit nuk duhet me u prish. Asht cashtje imazhi. Pike. Propozoj qe me ligj me iu ndrru destinimi. Do te ishte mire qe te themelohet Instituti ose Fakulteti i Studimeve Sllavistike (per cka Kosova ka shume nevoje politike e kulturore!?) dhe te vendoset ne kete godine – e cila mund te sherbeje edhe per rituale te jashtezakonshme fetare ortodokse – jashte Kishes Ortodokse Serbe, (KOS) pra si Kishe kosovare ortodokse!??

Këtu Matoshi kërkon të mbulojë me një ?gjethe? fiku lakuriqësinë e qëllimit të tij për ruajtjen e Katedrales Serbe në oborrin e Universitetit të Prishtinës, duke e kamufluar si Institut ose Fakultet të Studimeve Sllavistike por ku do të kryhen edhe ritualet fetare.

Por Kosova është një shtet laik ku feja është e ndarë nga shteti dhe ku arsimi publik është laik. Universiteti i Prishtinës është një shkollë publike dhe kështu do të jetë edhe Instituti apo Fakulteti i supozuar i Studimeve Sllavistike. Dhe në shkollat publike nuk mund të kryhen rituale fetare. Katedralja ortodokse serbe e ndërtuar në oborrin e Universitetit të Prishtinës është një objekt i ndërtuar me funksione religjioze dhe nuk është i përshtatshëm për funksionet për të cilët thotë Matoshi. Ideja e Matoshit do të ketë si pasojë që pranë Katedrales serbe të shtohet edhe një Institut i Sllavistikës.

Pasi Matoshi na thotë se Katedralja serbe duhet të kthehet në Institut, apo në Fakultet, ai e mohon këtë, kur thotë se Katedralja duhet të shërbejë si bazë për Kishën Ortodokse Kosovare, jashtë Kishës Serbe. Matoshi nuk e shpjegon se përse i duhet Kosovës një katedrale ortodokse kur në Kosovë nuk ka ortodoksë të tjerë veç serbëve. Për më tepër që katedralja ortodokse është e ritit sllavon, pra e një rituali të ngushtë ortodoks, të ushtruar nga serbët. Cilët do të jenë besimtarët që do të shkojnë në KOK? Një Kishë Ortodokse e Pavarur, ose Autoqefale, siç quhet në gjuhën kishtare, krijohet kur ka besimtarë të ritit të cilit i përket ajo Kishë, e në Kosovë nuk ka të tillë për Kishën që kërkon Matoshi.
Katedralja Serbe e ndërtuar në oborrin e Universitetit të Prishtinës duhet të rrënohet sepse ajo u ndërtua nga Serbia me qëllim që të shënonte në mënyrë simbolike procesin e deshqiptarizmit të Kosovës, dhe të eliminimit të institucioneve të Kosovës. Pikërisht këtë e shprehte në mënyrë monumentale zëvendësimi i Universitetit të mbyllur të Prishtinës me një Katedrale serbe. Universiteti ishte një institucion emblematik i Kosovës dhe mbyllja e tij e zëvendësimi me një institucion emblematike serb që ishte Katedralja kishte një simbolikë të qartë. Asnjë simbolikë tjetër nuk tregon më qartë se kjo, madje në mënyrë monumentale, planin serb për spastrimin etnik të Kosovës nga shqiptarët.
Ideja e mësipërme e Halil Matoshit është provë se ideja e tij e identitit kosovar është me prejardhje serbe.

Matoshi thotë se ruajtja e Katedrales serbe në oborrin e Universitetit të Prishtinës është çështje imazhi. Pas kësaj shkruan: ?Pikë?. Çfarë imazhi do të mbrojë Kosova duke ruajtur katedralen e ndërtuar si provokim nga Serbia? Katedralja në oborrin e Universitetit nuk ka të bëjë me ushtrimin e lirë të fesë nga ana e serbëve të Kosovës, por me strategjinë serbe për Kosovën serbe të spastruar nga shqiptarët.
Përkushtimi i Halil Matoshit ndaj Kishës Ortodokse të Serbisë (KOS) në fakt është pasojë e përkushtimit të tij ndaj një institucioni serb që ka të njëjtat akronime me të Kishës Ortodokse të Serbisë. Fjalën e kam për Kontra Obaveshtajna Slluzhba (KOS), që është Kundërspiunazhi i Ushtrisë Jugosllave, në shërbim të të cilit Halili u vu qëkurse kryente shërbimin ushtarak në Jugosllavi. Për KOS (shërbimin e fshehtë), Universiteti i Prishtinës ishte qendër irredentiste shqiptare destruktive, ndërsa Kisha Ortodokse e Serbisë ishte qendër shpirtërore konstruktive e popullit serb. Universiteti i Prishtinës duhet të kishte një katedrale serbe si simbol të sovranitetit serb mbi Kosovën në fushën intelektuale. Halili ruan këtë pikëpamje.