HABERET E MITROS/ NË KRYEQYTETIN E “FREE SEX”

23 Shkurt 2015, 10:25, Aktualitet CNA

Nga Mitro CELA

Edhe pse izraelitët nuk e kanë në fjalorin e tyre fjalën ?rast?, dhe kur u duhet, e huazojnë nga arabishtje, unë i besoj fatit. Ishim ulur për drekë tek ?Rozafa? me Filip Çakulin. Ndërsa kuzhinieri me origjinë italiane, me shkollë gjermane, me nuse nga Kombinati, merrte porosinë, duke përfituar nga prania e mikut tonë të vjetër, pronari i lokalit, Gjergj Luca, Filipi u thotë miqve në tavolinë:
-Po të kishim një sponsor, pas dy ditësh shkonim në Danimarkë! Gjergji, që është aqë trim, sa që i merr vendimet pa na pyetur, rrëmbeu telefonin për dy qëllime. Së pari, zgjidhi qesen për bileta. Së dyti, zuri vende në hotel.

…Pa hyrë në hollësi mbritëm në Kopenhagë. Në pritje të regjistrimit në hotelin u futa në dyqanin e suvenirëve. Në vitrinë ishin vendosur një seri me libra. Në shumë gjuhë. Me një autor. I famshëm në botë. I njohur edhe në Shqipëri: Hans Christian Andersen. Duke shfletuar librat, më pyet shitësja, një bukuroshe tipike daneze: bionde me sy blu, që ta bën mishin kokrra-korra, edhe kur ke kaluar moshën e pensionit, si puna ime.

Ajo:- Të pëlqen Anderseni?
Unë: – Shkrimtar danez e kam lexuar që fëmijë…
Ajo:- Mund t?u bëj një koregjim. Andresen ka lindur në Danimarkë. Por shumë herë ka shkruar: Jam edhe Suedez. Bionacinal.
Unë:-Pse buzëqeshe kur përmende bionacional?
Ajo:- Sepse shkrimatari ishte edhe bioseks. Për fatin e tij të keq, jetoi në një shekull ( 1805-1875), kur homoseksualiteti ishte herezi. Sot është ndryshe. Danimarka, është i pari shtet në botë që me ligj, nga viti 1989, lejon martesat mes homoseksualët. Po në Shqipëri?

I thashë që ende shoqëria nuk ishte pjekur që shteti të lejonte martesa të tilla, edhe pse Berisha, ka dy vjet që ka heshur idenë për të lejuar martesat mes homoseksualëve. Socialistët në pushtet kanë shkuar më tej. Kane përgatitur projketligjin dhe e kanë kallur në parlament. Por homosksualët mund të ?livadhisin? lirisht. Në vitin 1995, Këshilli i Evropës vuri dy kushte për Shqipërinë. Të garantonte me ligj lirinë e homoseksualeve dhe të hiqej dënimi me vdekje. Të gjithë deputetët ngritën kartonin jeshil. Edhe unë. Përjashtim bëri deputetje Rushen Golemi. Votën kundra e shoqëroi me frazën e njohur:
-E kuptoj presionin e Strasburgut: Gjysma e eurodeputetëve janë homoseksualë?!
Në mesnatë ?inspektuam? rrugët e kryeqytetit. Futemi në një lokal miks. Pronari? Shqiptar nga Maqedonia. Pyetëm për lokale, duke shkelur syrin. NA thote shqipua
-Rrugëve të qytetit nuk mund të gjesh femra me pagesë. Këtu ?mbretëron? liria seksuale. Vajzat ecin rrugës. ?Gjuajnë? djem. I ftojnë në pub. Po u pëlqeu, bëjnë seks. Ndryshe ndahen si miq. Më thotë Filipi:
-Vazhdojmë shëtitjen? Mbase të ?gjuan? ndonjë biondinë. Më thotë Filipi
?Buzëqesha, si Mona Liza?Në partinë ku unë militoj, seksi jashtë familjes është herezi. Pa folur që unë, disa vjet më parë vura kurorë në kishë, me të njejtën grua!
-Ke të drejtë,-tha Filipi.- Por këto parime vlejnë brenda Shqipërisë dhe kur ke gruan në krah.
Më bindi. Shëtitëm rrugëve të Kopenhagës, deri sa u zbardh. Asnjë çupë, jo vetëm nuk na ftuan, por nuk na dhuruan asnjë buzëqeshje…