E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e e dytë e Këshillit Kombëtar...

Energjia, "rifillim" me nisma dhe ligje

23 Shkurt 2015, 08:55, Aktualitet CNA

2015-a vlerësohet si një vit i rëndësishëm për sistemin tonë të energjisë. Një sërë projektesh, financiare, ligjore e administrative po ndërthuren për të siguruar rimëkëmbjen e sektorit. Së shpejti pritet të miratohet ligji i ri për energjinë. Ai i hap rrugë liberalizimit të tregut. Ndërkohë OSHEE, falë huas së BB, ka nisur një sërë projektesh

Reformimi i sistemit të energjisë filloi me ndërprerjen e energjisë debitorëve, por këtë vit, do të vazhdojë me investime. Sfida e parë, është heqja e faturës aforfe. Administratori i OSHEE-së pranon se po faturohen rreth 50 mijë abonentë me këtë formë, për shkak të mungesës së matësve të energjisë. Nga këto, rreth 46 mijë janë abonentë familjarë. Sipas tij, deri në janar të 2016-s, ?ky problem do të zgjidhet, pra do të vendosen matës, ndërsa ka edhe pajisje që duhen zëvendësuar?.

Hua të marra nga Banka Botërore, por edhe një plani i investimit të vetë kompanisë, pritet të fokusohen te matësit dhe investimet e tjera në rrjet e në kabina elektrike. Në planin e investimeve për 2015-n, Operatori i Shpërndarjes së Energjisë Elektrike (OSHEE) planifikon të instalojë 53 mijë matës të rinj, nga të cilët 13 mijë në zonën e Bathores dhe Paskuqanit dhe pjesa tjetër, prej 40 mijë matësish, në rajonet e tjera të vendit.

Sipas Çelës, OSHEE ka bërë një plan investimesh emergjente, afatmesme dhe afatgjata. ?Jemi përqendruar që investimet madhore të fokusohen atje ku konsumi dhe humbjet janë më të mëdha, si Tirana p.sh., e cila zë 37% të konsumit dhe humbjes, apo Durrësi, me rreth 14%. Megjithatë, kemi vendosur prioritet edhe zonat turistike dhe sidomos bregdetin, në vlera disa milionë euro?.

Kompania vlerësohet të ketë dy plane investimesh të hartuara, një me Bankën Botërore (rreth 80 mln USD), dhe një me të ardhurat e vetë kompanisë (5 miliardë lekë). Investimet me fondet e OSHEE-së do të nisin këtë vit, por nuk synohet të përmbyllen këtë vit. Bazuar në ndikimin që do të kenë këto plane investimesh, drejtuesit e OSHEE-së parashikojnë që humbjet deri në fund të vitit 2015 të zbresin në 31.8% nga 37% që ishin në fund të 2014-s.

?Nga kompanitë homologe me të cilat jemi konsultuar është arritur në përfundimin se niveli deri në 31.8% mund të ulet në sajë të menaxhimit, pjesa tjetër është falë investimeve?, vlerësoi Çela javës së kaluar, ndërsa theksoi se, ?brenda katër viteve mendojmë të shkojmë në nivelin e 21-22%?. Për të arritur në këtë nivel, nevojiten 1 miliard euro investime sipas Çelës.

monitor.al