web counter
LEXO PA REKLAMA!

SHKARKO APP

App Store
Google Play

E fundit!

x

Ligji i ri në Parlament/ Kuvendi i merr qeverisë procesin e integrimit

20 Shkurt 2015, 07:13, Aktualitet CNA

Një grup deputetësh kanë ndërmarrë një nismë për të forcuar rolin e Parlamentit sa i përket procesit të integrimit evropian të vendit. Deri më tani rolin kryesor e ka pasur qeveria, por deputetët Taulant Balla, Majlinda Bregu dhe Kejdi Mehmetaj, kërkojnë me anë të një projektligji që të ketë rol më të madh edhe Kuvendi. Projektligji është gati dhe pritet që të merret në diskutim nga komisionet parlamentare, ku do të bëhet dhe qartësimi i plotë i tij. Sipas relacionit shoqërues të pr/ligjit ?Për rolin e Kuvendit në procesin e integrimit të Republikës së Shqipërisë në Bashkimin Evropian?, arsyeja e hartimit të tij është bërë për të normuar rolin që duhet të luajë dhe punën që duhet të kryejë Kuvendi i Shqipërisë në bashkëpunim me institucionet e tjera shtetërore, institucionet e pavarura dhe shoqërinë civile për të realizuar procesin e anëtarësimit/integrimit të Shqipërisë në Bashkimin Evropian. Projektligji qartëson rolet përkatëse në procesin e integrimit evropian të Qeverisë dhe Kuvendit, sidomos në mbikëqyrjen e Kuvendit ndaj Qeverisë në këtë proces. Ai përcakton se Komisioni i Integrimit Evropian do të luajë rol koordinues në marrëdhëniet e bashkëpunimit në nivel kombëtar dhe me strukturat e Parlamentit Evropian, parlamentet e vendeve anëtare të BE-së.

 





Lajmet e fundit nga