E fundit!

11:24 Aktualitet

Bordi i Transparencës merr vendimin/ Ja çmimet e reja për karburantet

Bordi i Transparencës ka njoftuar se çmimi i shitjes me pa...

Perimet që parandalojnë kancerin

18 Shkurt 2015, 21:05, Aktualitet CNA

Boronicat, çaji i gjelbër, domatet dhe natyrisht lulelakra. Të gjitha këto përbëjnë një listë superushqimesh që ndihmojnë në parandalimin e kancerit. Informacione të tilla janë të zakonshme për faqet web dhe programet e shëndetit, por shumica prej nesh nuk dinë sesi t?i gjykojë këto pohime.

Ajo që duket serioze, mund të mos jetë. Sipas një studimi të gazetës BMJ, vetëm gjysma e rekomandimeve të shfaqjeve mjekësore televizive ndërkombëtare mbështeteshin nga të dhënat shkencore.

?Mesazhet që merr publiku janë copa e copa të vogla, dhe jo gjithë tabloja?, tha Walter Willet, kreu i Departamentit të Ushqimit në Shkollën e Shëndetit Publik të Harvardit. ?Ngjan pak a shumë me perëndimin e egër… gjithçka njerëzit dëgjojnë në lidhje me ushqimin dhe kancerin?.

Natyrisht që boronicat që hamë sot janë të mira për shëndetin. Por roli i ushqimit në parandalimin e kancerit është shumë më kompleks se një përbërës i vetëm ushqimor. Të dhënat tregojnë se në parandalimin e kancerit luan rol mënyra e jetesës ? dieta, kontrolli i peshës dhe ushtrimet. Tani për tani, ekspertët e venë theksin te këshillat e përgjithshme të ushqimit që ndihmojnë për një sërë sëmundjesh kronike dhe komplikacionesh, dhe jo te ushqimet a mënyrat e veçanta të të ushqyerit.

Të menduarit reduksionist neglizhon qasjet më të gjera të kërkimeve ushqimore në fushën e parandalimit, përfshi këtu mënyrat e të ushqyerit dhe mekanizmat e mikrobiologjisë. Tani, kërkimi ka nisur për përgjigje në lidhje me marrëdhëniet e ushqimit me sfidat e shumta që na ve përpara kanceri, sfida që i tejkalojnë studimet individuale.

Kanceri është i ndërlikuar.

Kur dëgjoni se një ushqim i caktuar parandalon kancerin, pyesni: ?Cilin lloj kanceri?? ? Kanceri është një shumësi sëmundjesh, tha Marian Neuhouser, një epidemiologe ushqimore e Qendrës Kërkimore të Kancerit ?Fred Hutchinson? në Seattle.

Ndërsa sëmundjet kardio-vaskulare mund të nënrenditen në disa lloje, përfshi këtu infarktin e miokardit dhe sëmundjet vaskulare periferike, tha ajo, ?kanceri ndahet në gati 100 lloj sëmundjesh.?