web counter
LEXO PA REKLAMA!

SHKARKO APP

App Store
Google Play

E fundit!

x

Kleriku saudit hedh poshtë rrotullimit të Tokës rreth Diellit

17 Shkurt 2015, 12:12, Kosova & Bota CNA

Një klerik saudit është shfaqur në një video kohët e fundit, duke hedhur poshtë teorinë e rrotullimit të Tokës rreth Diellit. Sauditi pretendon se e vërteta është krejt e kundërt, duke shkaktuar një lumë komentesh në mediat sociale.
Duke iu përgjigjur pyetjes së një studenti nëse Toka është e palëvizshme apo jo, Sheikh Bandar al-Khaibari u përgjigj: ?E palëvizshme dhe nuk rrotullohet?.
Më pas, ai u përpoq ta mbështeste mendimin e vet duke cituar një sërë klerikësh dhe pohime të përzgjedhura fetare. Por metoda e tij më kontroversiale për të përgënjeshtruar teorinë e rrotullimit të Tokës, qe një “deduksion” logjik me anë të një shembulli.
“Si fillim, ku jemi tani? Shkojmë në aeroportin e Sharxhahut për të shkuar me aeroplan në Kinë, apo jo? Fokusohuni me mua, kjo është Toka”, tha ai duke mbajtur një gotë të mbyllur, me ujë.
Ai deklaroi se nëse avioni ndalet pezull në ajër ” Kina do ishte duke ardhur drejt tij” në rast se Toka rrotullohet në një drejtim. Nëse Toka rrotullohet në drejtim të kundërt, aeroplani nuk do të arrinte kurrë në Kinë, pasi edhe Kina rrotullohet.”
Videoja shkaktoi një valë të tërë komentesh në mediat sociale, sidomos në twitter, ku po qarkullon një hashtag i veçantë; hashtagu përkthehet si: “#kleriku_mohon_rrotullimin_e_Tokës”.
Një koment interesant i një përdoruesi thotë: “Çfarë koincidence, që kjo të ndodhë në datëlindjen e Galileos!”
Astronomi italian Galileo Galilei lindi më 15 shkurt 1564 dhe u akuzua dy herë për herezi nga kisha për besimet e tij, përfshi mbështetjen e teorisë kopernikane të rrotullimit të Tokës dhe planeteve rreth Diellit.
Ndërkohë, mjaft përdorues të twitterit janë tallur me klerikun, ndërsa disa të tjerë thonë se hashtagu duhet përdorur për promovimin dhe bashkëndarjen e diturive mbi universin.





Lajmet e fundit nga