web counter
LEXO PA REKLAMA!

SHKARKO APP

App Store
Google Play

E fundit!

x

Sulmi kibernetik, vidhen 1 miliard dollarë nga bankat

16 Shkurt 2015, 09:21, Kosova & Bota CNA

100 banka dhe institucione financiare në të gjithë botën janë sulmuar në një operacion të paprecedent kibernetik, pretendon një raport i firmës së sigurisë kompjuterike, Kaspersky Lab. Në këtë raport thuhet se vlerësohet se 1 miliardë dollarë janë vjedhur në këto sulme, të cilat thuhet se kanë nisur në vitin 2013 dhe janë ende në funksionim.
Një bandë e krimit kibernetik me anëtarë nga Rusia, Ukraina dhe Kina është përgjegjëse për këto sulme, thuhet në raport.
Kaspersky thotë se ka punuar me Interpol dhe Europol për hetimin e vjedhjeve. Sulmet kibernetike, sipas kompanisë, kanë ndodhur në 30 vende e target kanë qenë edhe firma të mëdha financiare në Rusi, Shtetet e Bashkuara, Gjermani. Kinë, Ukrainë e Kanada.
?Këto sulme sërish nënvizojnë faktin që kriminelët do të shfrytëzojnë të gjitha problemet që mund të hasin në sistem?, tha Sanjay Virmani, drejtor i Qendrës së Interpolit për krimet dixhitale.
Kaspersky thotë se metodat e përdorura nga banda shënojnë një fazë të re ku ata vjedhin para direkt nga bankat dhe shmangin përdoruesit e fondeve të bankave.
Banda e quajtur nga hetuesit, Carbanak, përdor viruse kompjuterike për të infektuar rrjetet e kompanive, përfshirë sistemet e sigurisë duke bërë që të mos ketë regjistrim të asaj që po ndodh në ekranet e stafit.
Kaspersky thotë se secila grabitje bankash ka marrë një kohë dy deri në katër muaj e çdo herë janë vjedhur deri në 10 milionë dollarë.
Edhe institucioni që njofton bankat për veprimtari të dyshimta kibernetike, thotë se po merren masa për të parandaluar dhe dalluar këto sulme duke minimizuar efektet mbi klientët.





Lajmet e fundit nga