web counter
LEXO PA REKLAMA!

SHKARKO APP

E fundit!

x

Hungari/Ndalohen edhe 185 kosovarë azilkërkues

16 Shkurt 2015, 13:22, Kosova & Bota CNA

Policia hungareze njoftoi se ka ndaluar edhe 185 persona, shumica nga Kosova, të hyrë ilegalisht në territorin e qarkut Çongrad në kufi me Serbinë.

Grupi më i madh, thuhet në komunikatën e sotme të policisë, është zënë dje në mëngjes në territorin e qytezës Morahalom dhe në të ka pasur 52 persona nga Kosova, Afganistani dhe Siria, të cilët ilegalisht e kanë kaluar kufirin.
Policia njofton se ka nisur procedura kundër 174 kosovarëve dhe 53 emigrantëve nga disa vende tjera, të cilët janë ndaluar në territorin e qarkut Baç-Kiskun në periudhën prej 13 deri më 15 shkurt.

Ata janë zënë brenda 41 grupeve që kanë qëndruar ilegalisht në Hungari, ndërsa në mesin e tyre kanë qenë edhe 25 fëmijë.
Njoftohet se të gjithë kanë kërkuar azil dhe u janë dorëzuar shërbimeve të migracionit.
Sipas komunikatës së policisë, në 72 orët e kaluara gjatë kalimit ilegal janë ndaluar 1.298 persona.

Kundër 14 vetave janë ngritur procedura për trafikim të njerëzve, ndërsa 7 të tjerë janë akuzuar për falsifikim të dokumenteve, thuhet në komunikatën e policisë hungareze.





Lajmet e fundit nga