Aksidenti në minierën e Munellës/ Ministria e Energjisë: Procedim penal ndaj përgjegjësit të minierës

16 Shkurt 2015, 12:45, Aktualitet CNA

Pas aksidentit tragjik të ndodhur dy ditë më parë në minierën e Munellës ku një minator humbi jetën, Ministria e Energjisë dhe Industrisë ka sqaruar në bazë të raportit të bërë nga Reparti i Inspektim, Shpëtim Minierave se ngjarja ka ndodhur për shkak të shkeljes së rregullave teknike.

Sipas inspektimit puntorët janë çuar për të punuar në zonë të pasigurtë përmes një urdhëri verbal gjë që ka shkaktuar edhe ngjarjen e rende.

?Nga verifikimet në vendin e ngjarjes rezultoi se i aksidentuari është shtetasi Gjovalin Mark Prenga , i datëlindjes 28.06.1966; lindur dhe banues në fshatin Kimez, rrethi Pukë; i martuar; me dy fëmijë, me profesion minator-zjarrmëtar dhe anëtar i grupit avaro-shpëtues të subjektit, vjetërsia në punë në miniere mbi 20 vjet; instruktuar për herë të fundit më 05/01/2015; i siguruar për jetën ndaj aksidenteve në punë.

Aksidenti me pasoje vdekjen e shtetasit Gjovalin Prenga, ka ndodhur në traversen e katit të VI të galerisë H +748; në objektin minerar ?Miniera e bakrit Munelle? rrethi Puke, qarku Shkodër, e cila është e përfshirë në lejet minerare nr.643 dt. 27/08/2001 nën administrimin e subjektit minerar ?BERALB?sh.a.

Grupi inspektorëve të RISHM-it, pas këqyrjes së vendit të ngjarjes dhe dokumentacionit të disponueshëm në subjekt konstatoi se:

– Fronti i punës traversa e katit të VI të gal H +748, projektuar për tu hapur me seksion 3.5 x 3.5m (tavan harkor), kishte avancuar rreth 7ml. Puna në këtë front kishte filluar 3 ditë më parë. Materiali i shembur nga tavani dhe faqja anësore e majtë e traversës, kishin sjellë zgjerimin e seksionit të saj në përmasa 4.5m gjërësi dhe rreth 5m lartësi. Gjatësia e punimit të pa armatosur ishte 9ml.

– Gjatë kontrollit të urdhërave ditor të punës, u konstatua se fronti ku ndodhi aksidenti nuk ishte planifikuar për tu punuar. Sipas deklarimeve të personelit inxhiniero ? teknik, punëtorët janë çuar atje për të punuar mbi bazën e urdhërit verbal të dhënë nga përgjegjësi i minieres.

Në këto kushte, drejtuesit teknik dhe përgjegjësi i turnit, duhet të kishin ndaluar menjëherë punën.

Puna në front duhet të kishte rifilluar me urdhër pune në të cilën të specifikohej si proces i parë armatimi i frontit deri afër ballit?, thuhet ne raportin e RISHM.

Në bazë të inspektimit të bërë RISHM i ka kërkuar Prokurorisë nisejn e procedimit pendal ndaj pëgjejgjësit të minierës dhe drejtuesve teknikë.

RISHM-i konstaton se shkaku i aksidentit me pasojë vdekjen e shtatasit Gjovalin Prenga është shembja nga tavani dhe faqja anësore e një masivi minerali pranë ballit të traversës gjatë kohës kur bëhej shpimi i birave. Shkelja e rregullores së teknikës së sigurimit nga përgjegjësi i minierës, drejtuesit teknik dhe përgjegjësi i turnit, kanë sjellë ndodhjen e aksidentit me pasojë vdekjen e minatorit.

Pas kryerjes së veprimeve në terren, RISHM-i ka ndaluar menjëherë punën në të gjithë minierën. Është kërkuar bërja e analizës së aksidentit në subjekt, nxjerrja e shkaqeve, personave përgjegjës dhe masat për përmirësimin organizativ e teknik.

RISHM-i do të kërkojë pranë organeve të Prokurorisë së rrethit gjyqësor Pukë fillimin e procedimit penal për shkelje të rregullave të sigurimit teknik me pasojë vdekjen e shtetasit Gjovalin Prenga, ndaj përgjegjësit të minierës, drejtuesve teknik dhe përgjegjësit të turnit.

RISHM-i do të marrë masa administrative me gjobë për personat e tjerë përgjegjës, duke filluar që nga administratori i kompanisë ?BERALB? sh.a.

Puna në këtë objekt do të rifillojë vetëm pas realizimit të të gjitha detyrave që do të vendosen nga analiza e përbashkët e RISHM-it dhe drejtuesve të kompanisë për ngjarjen. Miniera ishte inspektuar nga RISHM-i për herë të fundit një muaj më parë në prezencë të përfaqësuesve të sindikatave dhe u konstatua brenda parametrave teknike./