web counter
LEXO PA REKLAMA!

SHKARKO APP

App Store
Google Play

Zhvillohet ne Elbasan Konferenca e Tregtisë dhe Bujqësisë 2014 – 2020

26 Janar 2015, 13:35, Aktualitet CNA

Në një konferencë të mbajtur në qytetin e Elbasanit morën pjesë ministrat e Ekonomisë dhe Bujqësisë, Sekretari Ekzekutiv i Komisionit Ekonomik për Europën në OKB, Kristian Bah, ambasadorja e Shqipërisë në OKB, Filloreta Kodra, përfaqësues të bizneseve të ndryshme në qytet si edhe pushtetarë lokalë. Tema e kësaj konference ka qenë ?Integrimi i Tregtisë dhe Bujqësisë për vitet 2014-2020?, në të cilin u diskutuan planet afatgjata dhe afatshkurta për zhvillimin e këtyre sektorëve të cilësuar si sektorët primarë për ekonominë shqiptare.

Në vijim të konferencës, fjalën e ka marrë edhe ministri i Zhvillimit të Ekonomisë, Tregtisë dhe Sipërmarrjes, Arben Ahmetaj i cili tha se: Qeveria shqiptare është duke përfunduar draft-strategjinë për zhvillimin e tregtisë dhe bujqësisë për vitet 2014 ? 2020. Kur flasim për model të ri ekonomik, fokusi është tek rritja e prodhimit vendas dhe rritja e eksporteve, duke i kaluar efektet e kësaj rritjeje tek qytetari shqiptar, sidomos tek punësimi.

Duke u ndalur tek arritjet e vitit 2014, ministri Ahmetaj tha se: Për dy vitet në vijim, Shqipëria do të kapë vetëm investime të huaja mbi 1 miliardë dollarë ç?ka është rekord për 20 vitet e fundit.

Ndërsa Ministri i Bujqësisë, Edmond Panariti, duke folur për arritjet gjatë vitit 2014 tha ndër të tjera se një ndër masat më të rëndësishme ishte heqja e taksës së qarkullimit dhe naftës së karbonit për peshkatarët.





Lajmet e fundit nga