web counter
LEXO PA REKLAMA!

SHKARKO APP

App Store
Google Play

E fundit!

x

Ja çfarë kamere do të ketë Samsung Galaxy S6

26 Janar 2015, 10:15, Aktualitet CNA

Është folur kaq shumë në internet për telefonin e ardhshëm të Samsung-ut, Galaxy S6. Këtë radhë informacionet vijnë nga burime të afërta me divizionin Samsung Electro-Mechanics (SEM), të cilët na sugjerojnë se ky telefon inteligjent i cilësisë së lartë do të ketë kamera kryesore 20 megapikselë me stabilizuesin optik të imazheve. Uebsajti BGR pretendon se ka zbuluar specifikat e sakta të Samung Galaxy S6. Sipas këtij uebsajti, Galaxy S6 do të vijë me një procesor me arkitekturë 64-bit me tetë bërthama 14nm (një version i procesorit Exynos), i cili thuhet se do të jetë 50% më i shpejtë se paraardhësi i tij. Do të ofrohet gjithashtu edhe lidhja LTE e kategorisë së gjashtë. Pajisja do të ketë ekran 5.1 inç Quad HD super AMOLED me densitet 577 pikselë për inç. Sa i përket RAM-it, nuk kemi informacion, por vetëm është thënë se pajisja do të vijë në tri versione të hapësirës së brendshme, 32GB / 64GB / 128GB. Galaxy S6 do të ketë gjithashtu bateri me kapacitet 2550 mAh, e cila falë një teknologjie të re, do të mund të zgjasë për katër orë përdorim me një karikim prej 10 minutash. Telefoni do të mbrohet nga xhami Gorilla Glass 4 dhe do të ketë një kamera frontale 5 megapikselë me hapje f/1.8. Pajisja do të ketë gjithashtu trup prej metali dhe xhami, transmeton Krokodili. Samsung ka konfirmuar se do të prezantojë Galaxy S6 në Kongresin Botëror të Telefonave, që do të zhvillohet më 2 mars.





19:30 Aktualitet

Leman Ypi

Nga Edison YPILemani ishte një aristokrate e kultivuar, inte...

Lajmet e fundit nga