web counter
LEXO PA REKLAMA!

SHKARKO APP

App Store
Google Play

Skype në Windows 10 do të lidhë kontaktet me telefonin tuaj dhe email-in

26 Janar 2015, 13:45, Aktualitet CNA

Microsoft organizoi një event të mërkurën, ku prezantoi zyrtarisht platformën Windows 10. Kompania zbuloi disa nga veçoritë e reja që përdoruesit e telefonave do të përfitojnë në versionin e ri të sistemit operativ. Skype dhe aplikacioni i ri për dërgimin e mesazheve ishin disa nga veçoritë që kompania zbuloi. Me përdorimin e Windows 10 tek telefonat dhe tabletët, Microsoft do të shtojë një aplikacion të ri për dërgimin e mesazheve tek platforma e saj. Kompania ka vendosur gjithashtu Skype-n brenda sistemit operativ, që do të thotë se një aplikacion Skype i mëvetësishëm nuk do të jetë më i nevojshëm. Duke përdorur aplikacionin e ri për dërgimin e mesazheve, përdoruesit do të kenë mundësi të aksesojnë bisedat e tyre në një vend. Aplikacioni i ri do të lidhë kontaktet që keni në telefon dhe ata të email-it, duke ju dhënë mundësinë të mbani lidhje me miqtë tuaj edhe nëse ata janë duke përdorur një pajisje Android, ose një pajisje të Apple-it. Tek telefonat, aplikacioni do të kontrollojë mesazhet tekst dhe ata që vijnë në Skype, ndërsa në desktop, aplikacioni do të shfaqet në taskbar, kështu do të jetë më praktik. Skype në Windows 10 do të lidhë kontaktet me telefonin tuaj dhe email-in, Përdoruesit do të kenë mundësi të dërgojnë mesazhe tekst, të bëjnë thirrje me audio ose me video me njerëzit që kanë në listën e kontakteve direkt nga Skype. Bisedat do të mund të aksesohen nga të gjitha pajisjet. Aplikacioni i ri për dërgimin e mesazheve, si dhe versioni i ri i Skype-së, do të jenë në dispozicion tek version paraprak i Windows 10 për telefona, i cili do të lançohet në shkurt.





Lajmet e fundit nga