web counter
LEXO PA REKLAMA!

SHKARKO APP

App Store
Google Play

Visar Ymeri: Mustafa, tendencë patologjike për të gënjyer

25 Janar 2015, 16:45, Aktualitet CNA

Kandidati i vetëm në garën për drejtues të lëvizjes ?Vetëvendosje?, deputeti i kësaj partie, Visar Ymeri, I është përgjigjur me një shkrim në Facebook, akuzave të kryeministrit Isa Mustafa përsa I takon zgjidhjes për minierën e Trepçës.

Ai e quan Mustafën gënjeshtar dhe hipokrit e vazhdon:

?Sikur në shumë raste tjera edhe në këtë adresim tijin vërehet qartë hipokrizia e tij, dhe tendenca patologjike për të gënjyer. Ai thotë se ne e paskemi votuar kundër Ligjin për riorganizimin e ndërmarrjeve të caktuara? dhe se kështu paskemi dashur që Trepçën ta dërgojmë në likuidim. Këtë Ligj në vitin 2011 e ka kundërshtuar vetëm Lëvizja Vetëvendosje! LDK-ja në atë kohë edhe pse në opozitë e patën votuar me disa përjashtime të disa deputetëve individual. Që atëherë ne patëm thënë se ky ligj e rrezikon Trepçën me likuidim, dhe se vendimmarrjen për të ia lë në dorë pretendentëve kreditorë. Ishte e qartë: Ligji ishte kopje e Rregullores së UNMIK-ut?, shkruan shefi i Grupit Parlamentar të Vetëvendosjes në Kuvendin e Kosovës, Visar Ymeri.

Ai thotë se Isa Mustafa dhe qeveria e tij iu nënshtruan kërkesave të Serbisë për Trepçën, duke përmendur tërheqjen e tij të së hënës nga miratimi i plotësim ndryshimit të Ligjit për ndërmarrjet publike ?për ta transformuar, dhe kështu shpëtuar, Trepçën në ndërmarrje publike?.





Lajmet e fundit nga