Cmimi i naftës/ Basha: Nesër fikim makinat 5 minuta, nis pranvera e protestave

25 Janar 2015, 12:52, Aktualitet CNA

Partia Demokratike përsëriti thirrjen ndaj qytetarëve për të fikur makinat nesër në orën 11:00, në shenjë proteste kundër cmimit të lartë të naftës. Në një deklaratë për mediat nga selia blu, lideri i opozitës Basha theksoi se ka ardhur koha që njerzitë të mbrojnë veten dhe t?i tregojnë qeverisë se nuk mund të luaj me fatet e tyre . Kryetari i Partisë Demokratike Lulzim Basha ka paralajmëruar se protesta e nesërme për fikjen e makinave kundër çmimit të karburantit, do të jetë vetëm nisja e një vale protestash pranverore kundër qeverisë.

?Kjo është mendësia që i sheh njerëzit si skllevër të qeverisë. Një fjalë goje janë taksat për Ramën, iu shoh që mbaheni dhe nuk keni vdekur, u thotë kryeministri qytetarëve. Një fjalë goje është rritja e taksave. Por këto nuk janë fjalë goje, por qindra mijë orë mund të qytetarëve. Erdhi koha që njerëzit të mbrojnë veten. Erdhi koha t?i tregojmë qeverisë se nuk e pranojmë rritjen e taksave. Protesta e nesërme është vetëm hapja e një vale protestash pranverore që nuk do të lejojnë dyshen Rama-Meta të livadhisin. Nuk do të jetë Shqipëria atdheu i padrejtësive.? u shpreh në fjalën e tij Basha

Për kreun e PD-së, e gjitha kjo bëhet për të mbushur xhepat e qeveritarëve, ndërsa shtoi se kjo padrejtësi që po varfëron edhe më tepër shqiptarët nuk mund të vahzdojë më tej.

?Nesër në 11:00 mbajmë protestën e parë të kësaj vale protestash. Shqiptarët do të protestojnë për jetët e tyre. nga rrugët e sheshet e autostradat, do t?u dërgojmë qeverisë një mesazh, se ky vend ka nevojë të kujdeset e përkujdeset për fatet e qytetarëve, dhe jo për një qeveri që shton ankthin e tyre. nesër në orën 11:00 do të ndalojmë makinën për 5 minuta për të iu kundërvënë tiranisë. Çdo ditë njoftohet se çmimi i naftës ulet kudo në botë, vetëm shqiptarët nuk përfitojnë. Kjo ndodh sepse vendi qeveriset nga një arrogant. Ky njeri ka vetëm axhendën e oligarkëve dhe botës kriminale që e rrethon. Ndryshe nga i gjithë globi kryeministri rriti taksat për të marrë edhe qindarkën e fundit. Etja e tij për pushtet është kundër çdo logjike. Si mundet që Shqipëria të jetë jashtë çdo trendi botëror, si në regjimin komunist. si mundet që një kryeministër të bëjë të kundërtën, e asaj që lypset dhe duhet. Në vend që të ndihmojë qytetarët, bëhet makthi i tyre. Ulja e çmimit të naftës, ul koston e transportit dhe të jetesës. Këtu çmimi rritet artificialisht, dy herë në dy vitet e fundit. Mbi 60% e çmimit shkojnë në xhepin e qeverisë.? tha në fjalën e tij Kreu i Partisë Demokratike.