web counter
LEXO PA REKLAMA!

SHKARKO APP

App Store
Google Play

E fundit!

x

Kosovë/Mustafa: Listën Serbe dhe ministrin Jabllanovic nuk e solla unë, i gjeta në mesin tuaj

25 Janar 2015, 15:31, Aktualitet CNA

Kryeministri i Kosovës Isa Mustafa, përmes një postimi në Facebook ka vijuar ti përgjigjet thirrjeve për shkarkimin e ministrit serb Aleksandër Jabllanovic.

?Për hire të së vërtetës!

Listën Serbe dhe ministrin Jabllanoviq, nuk ua solli Isa. Ata i gjeta në mesin tonë. I solli veriu i ndarë, i sollën votat e qytetarëve serb, i solli dialogu. Realiteti është se ata udhëheqin gati të gjitha komunat me shumicë serbe në Kosovë dhe se kanë 10 deputet në Kuvend? ka shkruar Mustafa.

Më tej ai shton se disa nga ata që sot po flasin kundër tyre, garojshin për me i zëvendësuar vendet e garantuara me ato të rezervuara, dhe sot do të kishim së paku edhe 10 më shumë nga popullata jo shumicë në Kuvend.

?Ishte LDK dhe unë që mbajtëm parimin se janë konsumuar vendet e rezervuara dhe nuk lëshuam pe; të gjithë tjerët përpos VV- të cilën edhe nuk e pyesnin, bëjshin gara, si në ankand, se kush po jep më shumë? ka pohuar kreu i qeverisë së Kosovës.

Për korrektësi duhet të them se Thaçi ishte më i matur, sepse thoshte se ai e përkrahë zgjatjen e vendeve të rezervuara, pasi është në koalicion me minoritetet, por nuk garanton se do të votojnë të gjithë deputetët e tij dhe se kjo nuk mund të arrihet pa LDK-në, kurse Ramushi e Behxheti, nuk kishin kufi me zemërgjerësinë e tyre. Tani të mos flasin shumë, se nuk u ka hije, ose le ta thonë të vërtetën?ka përfunduar  Isa Mustafa.





Lajmet e fundit nga