web counter
LEXO PA REKLAMA!

SHKARKO APP

App Store
Google Play

Draghi: BQE, 60 miliardë euro në muaj, injeksion në ekonominë e eurozonës

22 Janar 2015, 13:47, Aktualitet CNA

Banka Qendrore Europiane njoftoi se do të injektojë rreth 60 miliardë euro në muaj në ekonominë e eurozonës, që tenton të shërojë dëmet e krizës financiare. BQE, sipas njoftimit të kreut të saj, Mario Draghi, do të blejë bono qeveritare me vlerë 60 miliardë euro në muaj, deri në fund të shtatorit të vitit 2016, një periudhë kohore shumë më e gjatë nga sa pritej. BQE gjithashtu tha se interesat në eurozonë do të mbahen në nivelin e ulët record prej 0.05 për qind, ku kanë mbetur që nga shtatori I vitit të kaluar.

Presidenti i BQE-së, Mario Draghi tha se program do të nisë në muajin mars. Në një konferencë shtypi të paralajmëruar, ai theksoi se BQE do të nisë të blejë në tregjet dytësore. Ai tha se synimi është të mbështeten objektivat e bankës për mbajtjen e inflacionit në eurozonë nën shifrën 2 për qind.

Ekspertët thonë se shuma e njoftuar është shumë më e madhe nga sa parashikohej dhe euro ka pësuar rënie të menjëhershme.
Duke ulur koston e huamarrjes, BQE synon të inkurajojë bankat të japin hua dhe konsumatorët të shpenzojnë më shumë.





Lajmet e fundit nga