web counter
LEXO PA REKLAMA!

SHKARKO APP

App Store
Google Play

E fundit!

x

Paris/Cherif Kouachi varroset në vend sekret

18 Janar 2015, 10:18, Aktualitet CNA

Cherif Kouachi, një nga autorët e sulmit mbi revistën satirike franceze, Charlie Hebdo është varrosur në një vend sekret, midis masave të forta të sigurisë. Ai u varros në qytetin e lindjes, në periferinë e Parisit, Gennevilliers, thanë zyrtarët, ndërsa më herët vëllai dhe bashkëpunëtori i tij, Said Kouachi u varros në qytetin lindor, Reims.
Kryebashkiaku i këtij qyteti tha se e kishte kundërshtuar varrimin por u detyrua ta pranojë për shkak të ligjit. Vëllezërit sulmuan zyrat e Charlie Hebdo më 7 janar duke vrarë 12 persona, më pas ata u qëlluan nga policia dy ditë më vonë, pas një rrethimi në një pronë industrial në veri të Parisit.
Të dy vëllezërit janë varrosur pa pllakë emri përsipër në mënyrë që të parandalohet shndërrimi i varreve të tyre në vende pelegrinazhi për islamistët.
Nuk ka pasur njoftime për varrosjen e Amedy Coulibaly, i cili vrau katër persona në një supermarket hebraik më 9 janar, në Paris dhe që dyshohet edhe si autor i vrasjes së një policeje po në kryeqytetin francez.
Zyrtarët e zyrës së kryebashkiakut në Gennevilliers thanë për AFP se në varrim nuk morën pjesë të afërm Cherif Kouachi.
Gjatë javës ka pasur polemika, pasi kryebashkiaku kishte deklaruar se do të refuzonte kategorikisht kërkesën e familjes së Said Kouachi për ta varrosur atë në qytet. Por, të shtunën ai tha se ishte detyruar nga Qeveria ta pranonte. Varrimi u zhvillua në mënyrën më diskrete dhe anonime të mundshme, tha ai për televizionin francez.
Ligji francez u jep banorëve të një qyteti të drejtën për të pasur një varr aty.
Avokatët thanë se e veja e Said Kouachi nuk kishte marrë pjesë në funeral, për shkak se gazetarët do ta ndiqnin dhe do të bëhej i ditur vendi i varrimit.





Lajmet e fundit nga