web counter
LEXO PA REKLAMA!

SHKARKO APP

App Store
Google Play

E fundit!

x

Greqi/Të arrestuarit për terrorizëm, nuk kanë lidhje me Belgjikën

18 Janar 2015, 10:16, Aktualitet CNA

Policia greke ka arrestuar disa persona për shkak të dyshimeve se ata kanë pasur lidhje me një komplot terrorist që po planifikohej në Belgjikë. Një nga personat e arrestuar dyshohet se ka qenë në kontakt me celulën në
Verviers, ku gjatë operacionit të policisë për arerstimin e militantëve, këta të fundit hapën zjarr e më pas policia qëlloi për vdekje dy prej tyre.
Zyrtarët në Belgjikë, thanë se dy nga të ndaluarit në Athinë nuk janë mes të kërkuarve për ngjarjet në këtë vend. Europa është në gjendje të lartë alarmi pas sulmeve terroriste në Paris, nga të cilat humbën jetën 17 persona.
Më shumë se 20 të dyshuar janë arrestuar në operacione në Belgjikë, Francë e Gjermani. Trupat janë dislokuar në të gjithë Belgjikën, për të mbrojtur shenjestrat e mundshme të terroristëve.
Belgjika ka nisur një sërë kontrollesh, që nga e enjtja në mbrëmje mbi grupet e dyshuara xhihadiste. Armë, municione dhe eksplozivë janë sekuestruar nga policia sikundër edhe uniforma të trupave të rendit. Prokuroria tha se grupi kishte planifikuar të vriste policë në rrugë apo në posta policore. Ata ngritën pesë akuza për terrorizëm ndaj të ndaluarve për pjesëmarrje në aktivitetet e një grupi terrorist.
Më pas, media belge tha se autoritetet po kërkonin një banor 27-vjeçar të Brukselit, Abdelhamid Abaaoud, me origjinë marokene, i dyshuar se është lideri i celulës xhihadiste e mendohej se ai fshihej në Greqi.
Autoritetet greke raportuan se kanë dërguar mostra të ADN-së drejt kolegëve të tyre belgë për të konfirmuar arrestimet që kryen, e për hetime të mëtejshme.
Zyrtarët në Belgjikë nuk dhanë detaje nëse mes të ndaluarve në Athinë, është edhe Abdelhamid Abaaoud. Sipas Policisë greke, emrat e disa personave kanë kaluar në duart e tyre për t?u kontrolluar për lidhje me terrorizmin.





Lajmet e fundit nga