web counter
LEXO PA REKLAMA!

SHKARKO APP

App Store
Google Play

E fundit!

x

Manila/ 3 milionë njerëz në meshën e drejtuar nga Papa

18 Janar 2015, 10:13, Aktualitet CNA

Papa Francesku mban meshën në qiell të hapur në Manila, kryeqytetin e Filipineve, ku marrin pjesë me milionë besimtarë.
Vlerësohet se 3 milionë njerëz u mblodhën në Rizal Park dy orë përpara nisjes së meshës. 20 vjet më parë, më shumë se 5 milionë besimtarë morën pjesë në meshën e mbajtur në të njëjtin vend nga papa Gjon Pali i Dytë.
Vizita e Papës në Filipine është vështirësuar disi për shkak të motit të keq me erëra të forta, por që nuk janë bërë pengesë që Papa t?u drejtohet besimtarëve. Një pjesë e shërbesës i është dedikuar viktimave të tajfunit Haijan, që shkatërroi vendin në vitin 2013.
Mesha përmbledh ditën finale të vizitës në Filipine, ku jetojnë 80 milionë katolikë dhe përfundon turin e tij gjashtëditor në Azi.
Papa Francesku, popullor për stilin e tij të surprizave, mbërriti me një papamobil të dizenjuar sipas minibuzëve lokalë që përdoren në Filipine e që njihen si Xhipnis.
Turmat kënduan e brohoritën ndërsa Papa shëtiti në disa pjesë për të përshëndetur besimtarët. Kishtë nga ata njerëz që kishin ngritur kamp në park duke kaluar aty natën në pritje të hapjes së dyerve për mbledhjen e besimtarëve për meshën. Përpara meshës, Papa mbajti takime me liderët fetare dhe të rinjtë në Universitetin e Santo Tomas, i cili është edhe universiteti më i madh katolik në Azi.
Papa Francesku e hapi këtë takim me mbi 2 mijë student duke kujtuar një grua 27-vjeçare që humbi jetën gjatë meshës që ai mbajti të shtunën në Takloban. Policia tha se ajo u vra për shkak të rënies së një
skele.
Papa Francesku u duartrokit ndërsa u tha studentëve, mes të tjerave se ndonjëherë burrat janë shumë maço, ndërkohë që gratë kanë shumë për t?i treguar shoqërisë së sotme.





Lajmet e fundit nga