E fundit!

11:46 Aktualitet

Balla, pyetje publike protestuesve

Kreu i Grupit Parlamentar të PS-së, Taulant Balla, u është...

Nishani dhe Rama bashkë kundër terrorizmit

17 Janar 2015, 18:07, Aktualitet CNA

Presidenti i Shqipërisë Bujar Nishani pasditen e sotme ka qenë në një mbledhje me qeverinë ku present kanë qenë Kryeministri Edi Rama dhe krerët më të lartë të institucioneve, si Kreun e Shërbimit Informativ Shtetëror Visho Ajazi Likën, Kryeprokurorin Adriatik Llalla, Ministrin e Brendshëm Saimir Tahiri, Ministren e Mbrojtjes Mimi Kodheli etj. Në mbledhje u fol për luftën ndaj terrorizmit dhe kontributin që ka dhënë Shqipëria për ta luftuar atë.

?Nisur nga ngjarjet e fundit të aktit terrorist në Paris është evident fakti që aktiviteti i grupeve terroriste të strukturuara që nga shtatori i vitit 2001 deri me krijimin e organizatave të tjera, ngjarjet në Irak e Siri, por edhe aktet në Europë tregojnë që terrorizimi nuk njeh kufi, çdo shoqëri ndjehet e rrezikuar. Është detyra jonë të vlerësojmë, të koordinohemi për këtë rrezik me aleatët tanë.

Duke kërkuar bashkëpunimin e të gjitha institucioneve të sigurisë, Shqipëria është potencialisht e rrezikuar për shkak të pozitës së saj, si vend që lidh tre kontinente?, u shpreh Nishani.

Presidenti i kërkoi angazhimin e të gjitha institucioneve dhe të Këshillit Kombëtar të Sigurisë për të garantuar sigurinë e territorit shqiptar, nga kërcënimi i terroristëve: Është koha të krijojmë një aleancë brenda nesh, por edhe me aleatët tanë strategjikë.

?Duke patur parasysh faktin që Shqipëria është anëtare e NATO-s, duke patur parasysh pozicionin gjeostrategjik, si udhëkryq mes Europës, Afrikës dhe Azisë si një vend që është objektiv dhe për të shfrytëzuar territorin tonë për të lëvizur, krahas arritjeve të rëndësishme që kemi në kontrollin e kufijve kërkohet bashkëpunim më i avancuar i të gjitha agjencive ligjzbatuese. Shqipëria është ndeshur me fenomenin e luftëtarëve të huaj, kontigjente shqiptare kanë shkuar në organizata në Siri dhe Irak, janë raste të evidentuara. Rastet e përtalljes së kësaj sfide është një nga shembujt më të mirë që kemi pasur përsa i përket koordinimit. Kjo na fton të rrisim më tej bashkëpunimin mes nesh në rajon, dhe me aleatët tanë strategjikë?,u shpreh Nishani.

Më tej fjalën e ka marë Kryeministri Edi Rama , i cili përvec të tjerave ka folur edhe në lidhje me akuzat që opozita bën karshi qeverisë.

Përsa i përket këtyre akuzave Rama u shpreh se: Nuk ia dola dot asnjëherë të mundja lojën tyre. Dhe më pas vazhdon fjalimin duke u përqëndruar tek lufta e terrorizmit në Evropë dhe rajon duke cilësuar se qeveria e tij ka marrë masa për forcimin e sigurisë në vend.

Më pas mbledhja ka vazhduar pa praninë e mediave në sallë.