Vlerat ushqyese të bajames

9 Janar 2015, 10:02, Aktualitet CNA

Efektet e shëndetshme të frutit të bajames janë të shumta. Ajo na ndihmon për të larguar një sërë shqetësimesh. Bajamen e kemi përdorur dhe vazhdojmë ta përdorim për servirie në tavolinë, është e nevojshme që ne ta konsumojmë herë pas here duke parë efektët dhe vlerat ushqyese të saj.

Vetitë kuruese të bajames janë:

Ushqimi i trurit

Bajamet shumë mirë kontribuojnë në zhvillimin e trurit. Ato përmbajë riboflavin e cila vendoset nga një reaksion zinxhir që të çon në kujtesë të mirë. Madje ajo konsiderohet një ushqim i domosdoshëm për fëmijët në rritje.

Në lidhje me zemren, bajamet rrisin HDL, kolesterolin e mirë, dhe mbajne ne nivele të ulët LDL kolesterolin e keq, duke ulur rrezikun për sëmundjet e zemrës.

Ndalon kancerin e zorrës se trashë dhe kapsllëkun.

Bajamet janë të pasura me fibra që ndihmojnë në rregullimin e brendshëm dhe pastrojnë traktin e tretjes. Si rezultat, bajamet ndihmojne trupin tonë për të luftuar kancerin e zorrës së trashë.

Ndihmon në humbje peshë

Edhe pse bajamet kane nivele të larta yndyre ata ndihmojnë për të humbur peshë. Ato përmbajë yndyra të ngopura të cilat bëjnë të ndiheni të ngopur shpejt e në këtë mënyrë të ndaloni mbingrënien.

Kujdesi i lëkurës

Bajamet janë të pasura me vitaminë E, e cila është një antioksidant që lufton radikalet e lira, parandalon dëmtimin e indeve të trupit dhe e mban lëkurën elastike nga dëmtimi. Kjo është arsyeja pse vaj dhe qumeshti i bajameve janë nga perbërësit kyesore në prodhimet e kremarave të lekurës.

Bajamet në shtatzani

Bajamet përmbajnë acid folik që është thelbësor për mbajtjen e foshnjave në barkun e nënës në mënyrë të shëndetshme duke parandaluar defekte të tilla si problemet me zemrën, defekte të trurit dhe shumë më tepër.

Përforcues të energjisë

Bajamet përmbajë mangan, bakër dhe riboflavin që i bëjnë ato perforecues të energjisë. Kur të ndiheni të lodhur hani një grusht bajame më mirë sesa të konsumoni psh pije energjike. Mban ulur presionin e gjakut

Bajamet kanë shumë kalium dhe shumë pak sodium. Ky është një kombinim i përsosur kur është fjala për të kontrolluar tensionin e gjakut. Kaliumi ndihmon në rregullimin e presionit të gjakut ndërsa me përmbajtjen shumë të ulët te natriumit bajamja është ideale si ushqim.

Pra siç e pamë dhe më sipër bajamja është një produkt me vlera të shumta ushqimore dhe të nevojshme për shëndetin e njeriut.